አንድነት በኦሮሚያ ክልልና በከፍተኛ የትምህርት ተቋማት በሚማሩ የኦሮሞ ተማሪዎች ላይ የመንግስት ሐይሎች በወሰዱት እርምጃ ቁጥሩ በውል ያልታወቀ የሰው ህይወት በመቀጠፉና ብዙዎችም ለአካል ጉዳት በመዳረጋቸው የተሰማውን ጥልቅ ሐዘን በመግለጽ ለችግሩ ዘላቂ መፍትሄ ለማበጀት መወያየት የግድ መሆኑን አስምሮበታል፡፡
በተማሪዎችና በተለይም በአምቦ ከተማ ህዝብ ላይ የተፈጸመው የመብት ጥሰት ምን ያህል መሆኑን ለማወቅ በቀጣዩ ሳምንት አንድነት የራሱን ልዑክ ወደ አካባቢው እንደሚልክ አስታውቋል፡፡በተማሪዎች ላይ ግድያና የአካል መጉደል እንዲፈጸም ያደረገ ትዕዛዝ ለታጣቂዎች ያስተላለፉ ክፍሎችም በህግ ሊጠየቁ እንደሚገባ አንድነት አሳስቧል፡፡
ህይወታቸው የተቀጠፈ፣አካላቸው የጎደለና ቤት ንብረታቸው የተዘረፈባቸው ዜጎች ተገቢ የሆነውን ካሳ የሚያገኙበት ሁኔታ በአፋጣኝ እንዲመቻችም አንድነት ጠይቋል፡፡
No comments:
Post a Comment