Tuesday, 14 January 2014

ኢህአዴግ ከምርጫ 2007 በሁዋላ ረብሻ ሊነሳ ይችላል አለ

- ኢትዮጵያን ላለፉት 23 ዓመታት የገዛው ኢህአዴግ መጪውን ምርጫ ተከትሎ በአዲስ አበባና በዋና ዋና የአገሪቱ ከተሞች ረብሻዎች ሊነሱ እንደሚችሉ ፓርቲው ድምዳሜ ላኢ መድረሱን አስታውቋል።
የኢሳት ምንጮች እንደገለጹት በኢትዮጵያ መንግስት አሸባሪ ተብለው የተፈረጁት በተለይ ግንቦት7 እና ኦነግ ምርጫውን ተከትሎ በምርጫ 97 የታየውን አይነት የህዝብ አመጽ ለማስነሳት እየሰሩ ነው የሚል ድምዳሜ ላይ የደረሰው ኢህአዴግ፣ ከአሁኑ ጀምሮ በአንድ ለአምስት አደረጃጀትና የከተሞችን ነዋሪዎች ስለ አሸባሪዎች አላማ እና ግብ በማስረዳት ህዝቡ በአመጹ ተሳታፊ እንዳይሆን እንደሚያስተምር አስታውቋል።
አሸባሪ የተባሉ ድርጅቶች በመልካም አስተዳደር፣ በሙስና እና በኢኮኖሚ ዙሪያ የሚታዩ ክፍተቶችን ተጠቅመው ህዝቡ በመንግስት ላይ እንዲነሳ ሊያደርጉ ይችላሉ አለው ኢህአዴግ፣ ለዚህ አላማ እንዲረዳቸው ደግሞ ኢሳትንና ቪኦኤን የመሳሰሉ የመገናኛ ብዙሀንን በአገር ውስጥ ደግሞ አንዳንድ ጽንፈኛ አስተሳሰብ ያላቸውን መጽሄቶች ሊጠቀሙ ይችላሉ ብሎአል። በአገር ውስጥ በሰላማዊ ትግል የሚንቀሳቀሱ የፖለቲካ ድርጅቶች ፣ ለአመጽ ጥሪው ህጋዊ ሽፋን ለማሰጠት ሊንቀሳቀሱ ይችላሉ ።
በተለይ የአዲስ አበባ ህዝብ የአሸባሪዎች ኢላማ እንዳይሆን ከፍተኛ ትኩረት ሊሰጠው እንደሚገባ ኢህአዴግ ገልጿል።
በሚቀጥለው አንድ አመት ውስጥ በአዲስ አበባ እና በክልል ዋና ዋና ከተሞች የሚገኙ ነዋሪዎች እና የመንግስት ሰራተኞች በሽብረተኝነት ዙሪያ ተከታታይ ትምህርት የሚሰጣቸው ሲሆን፣ ግንባሩም ከእዚህ ስልጠና የአካባቢ የሰላም ጠባቂዎችን እንደሚመለምል ፣ በፖለቲካ አስተሳሰባቸው ገዢውን ፓርቲ አይደግፉም የሚባሉትን የመለየት ስራም እንደሚሰራ ታውቋል።
ኢህአዴግ ምርጫውን ተከትሎ ሊነሳ የሚችል ማንኛውም ተቃውሞ ሽብርተኝነት ነው ሲል ድምዳሜ ላይ ደርሷል። በምርጫ ሂደቱ ላይ ፍትሀዊ ያልሆኑ አሰራሮች እንዲሁም የድምጽ ማጭበርበሮች እንኳን ቢከሰት ተቃዋሚዎች የተቃውሞ ሰልፍ እንዲያደርጉ አይፈቀድላቸውም።

Sunday, 12 January 2014

ኢትዮጵያ ለምን ኋላ ቀረች? ……….……. ግርማ ሞገስ

ኢትዮጵያ ከውጭ ወረራ ረጅም የነፃነት ዘመን እንዳላት የአገር ተወላጅ እና የውጭ አገር የታሪክ ተመራማሪዎች
ያረጋግጣሉ። ይሁን እንጂ በስልጣኔ ግን ብዙም እንዳልገፋች ይኸው ዛሬ የእኛም ትውልድ ሳይቀር የሚያየው ሃቅ
ነው። ይኽ እንዴት ሊሆን ቻለ? ረጅሙን የነፃነት ዘመን በስልጣኔ ወደፊት ለመራመድ ለምን አልተጠቀመችበትም
ኢትዮጵያ? ምን ስትሰራ ነበር? የሚሉት የቁጭት ጥያቄዎች የሁላችንም አገር ወዳድ ኢትዮጵያውያን ጥያቄዎች
ናቸው። በ19ኛው ክፍለ ዘመን በራሳቸው አነሳሽነት አውሮፓውያን ጎብኚዎችን እና ሚሲዮናውያንን እየተከተሉ
ከአገራቸው ወጥተው የፖለቲካ ሳይንስ፣ የህክምና፣ የምህንድስና፣ የኢኮኖሚ፣ የመንገድ ስራ የመሳሰሉ ዘመናዊ
(Secular) ትምህርት ቀስመው አገራቸውን ለመርዳት ወደ አገራቸው የተመለሱት የመጀመሪያዎቹ የኢትዮጵያ
ምሁራን የእነ ነጋድራስ ገብረ ሕይወት ባይከዳኝ (1886-1919) ሁሉ የቁጭት ጥያቄ ነበር። በጣት የሚቆጠረው
የነገብረ ሕይወት ትውልድ የውጭ ትምህርት ቀስሞ ወደ ኢትዮጵያ የተመለሰው ባፄ ምኒልክ ዘመን ነበር። ይሁን
እንጂ ለዘመናዊነት በር የተከፈተው ባፄ ኃይለ ስላሴ ዘመን እንደነበር፣ በኃይለ ስላሴ ዘመነ መንግስት በ1942
ዓመተ ምህረት (እ.ኤ.አ. 1950) የአዲስ አበባ የተፈጥሮና የሶሻል ሳይንስ ኮሌጅ መከፈቱን፣ ኮሌጁ የተደራጀው
በኢትዮጵያ አንደኛና ሁለተኛ ደረጃ ትምህርት ቤቶችን በመክፈት በንቃት ይሰሩ በነበሩ ካናዳውያን እየሱሳውያን
(Jesuits) ሲሆን የተማሪዎቹ ቁጥር ከ100 በታች እንደነበር ክፍሉ ታደሰ (The Generation, p. 15-16)
ያመለክታል። እሱም ቢሆን እጅግ ዘግይቶ የመጣ በውቅያኖስ ላይ ያረፈ ትንሽ ጠብታ ያህል ነበር።

ይኽን የቁጭት ጥያቄ ተክለ ፃዲቅ መኩሪያም በተለይ የቅኝ አገዛዝን አፍላ እሳት ስለተሸከሙት ዐፄ ዮሐንስ 4ኛ
(1872-1889) በጻፈበት “ዐፄ ዮሐንስ እና የኢትዮጵያ አንድነት” በሚለው መጽሐፉ ደጋግሞ ያነሳዋል። ባፄ ዮሐንስ
ዘመን ኢትዮጵያ እንግሊዘኛ ቋንቋ አጥርቶ የሚናገር እና በአውሮፓ እየተዘዋወረ የኢትዮጵያን ጥቅም የሚያስከብር
የተማረ ሰው አልነበራትም። የዘመኑን የአለም ፖለቲካ አውቆ የአውሮፓውያን ቅኝ ገዢዎችን ድብቅ የፖለቲካ
ፍላጎት ለነገስታቱ የሚመክር አንድም ሰው ኢትዮጵያ እንዳልነበራትም። በዚህ ምክንያት ለምሳሌ ያህል ካፄ ሠርፀ
ድንግል (1556-1590) ወዲህ ጀምሮ በቱርኮች/ግብጾች እጅ የነበረችውን የምጽዋን ባህር በር ታሪካዊ ባለቤት ወደ
ሆነችው ኢትዮጵያ ለማስመለስ የታሪካዊ እና የህጋዊ ባለቤትነት ጥያቄ ያነሱትን ዐፄ ዮሐንስ እንግሊዝ የቅርብ
ወዳጃቸው እና የቤት ውስጥ መካሪያቸው መስላ ከቀረበቻቸው በኋላ ከጀርባቸው ግን ከኢጣሊያ ጋር ተመሳጥራ
ምጽዋን ከቱርኮች/ግብጾች ወደ ኢትዮጵያ ሳይሆን ወደ ኢጣሊያ እንድትሸጋገር ማድረግ የቻለችው የዘመኑን አለም
አቀፍ ፖለቲካ ከጋዜጣዎች እየተከታተለ ከአለም አቀፍ ህግ ጋር እያጣቀሰ ኢትዮጵያን የሚመክር አንድም ምሁር
ስላልነበራት እንደነበር በማስታወስ ተክለ ፃዲቅ መኩሪያ በቁጭት ደጋግሞ ይተርካል “ዐፄ ዮሐንስ እና የኢትዮጵያ
አንድነት” በሚለው መጽሐፍ።

በዚያን ዘመን ስለነበረው ጥቅጥቅ ኋላቀርነት እናውራ እንጂ ዛሬም ለማዕድን ምርምሩም ሆነ ለሐዲድ ቅየሳው
የውጭ ሰው እንደምንፈልግ መዘንጋት የለበንም። ዘመናዊ (Secular) ትምህርት ዘመናዊ ባህል ያስከትላል።
የህዝብን አስተሳሰብ፣ ግንኙነት እና ባህል ይቀይራል። ስለዚህ ቀደም ብሎ ዘመናዊ ባህል በኢትዮጵያ ማደግ
ባለመጀመሩ ዛሬም ከፍተኛ ትምህርት አላቸው በሚባሉት ገዢዎቻችን እና በእኛም ተማርን በምንለው
ተቃዋሚዎች ዘንድ ኋላቀርነት በህይወት እየኖረ ስለመሆኑ ጥርጥር ሊገባን አይገባም። ያ ባይሆን ኖሮ በእርስ በርስ
ጦርነት የሚካሄደውን ኋላቀር የመንግስት ሽግግር ባህላችንን ዛሬ በ21ኛው ክፍለ ዘመን አንስተን ሰላማዊ ትግል
ይሻላል የሚል ውይይታ ባልከፈትን ነበር። ያ ባይሆን ኖሮ አምባገነን ገዢዎቻችን ለምርጫ እና ዴሞክራሲ ባህል
ማደግ እንቅፋት ባልሆኑ ነበር። ዛሬም ኢትዮጵያ በመሐይምነት፣ በድህነት እና በኋላቀርነት እየተሰቃየች ነው።

የሆነው ሆኖ “ኢትዮጵያ ረጅም የነፃነት ዘመን ሲኖራት በስልጣኔ ያልተራመደቸው ለምንድን ነው? ለሚለው ጥያቄ
ይህ ጥናት አውራ (አብይ) ምክንያቶች ናቸው የሚላቸውን ያቀርባል፥ (1ኛ) ዘመናዊ ትምህርት (Secular
Education) ቀደም ብሎ ወደ ኢትዮጵያ እንዳይገባ በመደረጉ እና (2ኛ) በእርስ በርስ ጦርነት የሚፈጸመው
የመንግስት ሽግግር ባህላችን ናቸው። እነዚህን ሁለት አውራ ምክንያቶች ለጥቀን በአጭር ባጭሩ እንመለከታለን።

(1ኛ) ዘመናዊ ትምህርት (Secular Education) ለረጅም ዘመን ወደ ኢትዮጵያ እንዳይገባ በመደረጉ
ስመ ጥሩዋ አክሱም የኢትዮጵያ መንግስት መቀመጫ ከተማ በነበረችበት ዘመን በንግድ ላይ የበቀለ ስልጣኔ
ነበራት። የራስዋ ፊደል ነበራት። የራሱዋን ገንዘብ ከወርቅ እና ከብር አቅልጣ በመስራት በዚያን ዘመን በአለም ገበያ
ክብር አግኝታለች። በቀይ ባህር እና ህንድ ውቅያኖስ ላይ የምትነግድ ኃያል አገር ነበረች። በዚያን ዘመን በአለም
ውስጥ ከነበሩት አራት ኃያላን አገሮች አንዷ ኢትዮጵያ ነበረች። የነ ኢዛና እና የነ ካሌብ ዘመን የአክሱም ስልጣኔ
ከፍተኛ ደረጃ ላይ የደረሰበት ዘመን እንደነበር ተጽፎ እናያለን። የነብዩ መሐመድን ስብከት ተከትሎ አዲስ ስልጣኔ ከተነሳበት ጊዜ ወዲህ ጀምሮ ስልጣኔዋ ማቆልቆል ይጀምራል። ተከትሎም በመንግስት ሽግግር እርስ በርስ ጦርነት
ውስጥ ለረጅም አመቶች ትዘፈቃለች። እስከ ንግስት ዮዲት ዘመነ መንግስት ፍጻሜ ድረስ ኢትዮጵያ ለረጅም ጊዜ
ጦርነት ውስጥ እንደነበረች ከእስክንድሪያ ግብጽ ይመጡ የነበሩት አቡኖች ታሪክ ይጠቁማል። ጦርነቱ ያበቃው
መራ ተክለ ሃይማኖት በጦርነቱ ቀንቶት የኢትዮጵያን የመንግስት መቀመጫ ከአክሱም ነቅሎ ደጋፊዎቹ ወደ
ተበራከቱበት ላስታ ከተማ ሲተክል ነበር። ይኽ የዛጉዌ ስረወ መንግስት ጅማሬ ነበር።
የሆነው ሆኖ አክሱም ገናና ሳለች ክርስቶስ ከተወለደ 200 አመቶች ግድም ወዲህ በአክሱም የነበሩት የኢትዮጵያ
መሪዎች ስለ አዲሱ ክርስትና ሃይማኖት ከክርስቲያን ነጋዴዎች፣ ከውሮፓውያን ጎብኚዎች እና ከመንገደኞች ወሬው
ነበራቸው። ሃይማኖቱ ኢትዮጵያ ሊደርስ የቻለው ፍሬምናጦስ እና አዲየስ በተባሉ ሁለት የአረብ ተወላጆች
(ምናልባት ሶሪያ) ነበር ተብሎ ይታመናል። በ320 ዓ.ም. ግድም ኢዛና ያባቱን ዙፋን ሲወርስ ፍሬምናጦስ ወደ
እስክንድሪያ ግብጽ ተጉዞ በእስክንድሪያ ግብጽ የተቀመጡትን የአካባቢው የበላይ መንፈሳዊ አባት`(ፓትሪያክ)
በኢትዮጵያ አዲሱን ሃይማኖት (ክርስትናን) በበላይነት የሚመራ መንፈሳዊ አባት (አቡን) ወደ ኢትዮጵያ እንዲልኩ
እንደጠየቀ እና ፓትሪያኩ ፍሬምናጦስን የኢትዮጵያ የመጀመሪያው አቡን አድርገው እንደሾሙት ሃሮልድ
ማርኩይስ ይተርካል። አቡን ፍሬምናጦስ ወደ ኢትዮጵያ እንደተመለሰ ኢዛናን የኢትዮጵያ የመጀመሪያው
ክርስቲያን ንጉስ አደረገ። የዐፄ ኢዛና ክርስቲያን መሆን በአገሪቱ ታሪክ አዲስ ምዕራፍ ከፈተ። የክርስትና ሃይማኖት
በኢትዮጵያ ፈጥኖ በመሰራጨት ለአብዛኛው ደጋማ ሰሜናዊ የኢትዮጵያ ህዝብ የማንነት መገለጫ ሆነ። በ4ኛው
መቶ አመት ውስጥ መነኩሴዎች የወንጌልን ቃል ሊያስተምሩ በኢትዮጵያ ተሰማሩ። በዚያው ዘመን በአክሱም
ጽዮን ማሪያም የኢትዮጵያ የሃይማኖት ማዕከል ሆነች። ከአዲግራት በስተ መዕራብ ተራራማ አምባ ላይ የሚገኘው
ደብረ ዳሞ ገዳም በ5ኛው መቶ አመት ውስጥ ተመሰረተ።
አቡን ፍሬምናጦስ ሲሞት እስክንድሪያ ግብጽ አዲስ አቡን ላከች። ከዚያን ጊዜ ጀምሮ እስከ ኃይለ ስላሴ ዘመነ
መንግስት ፍጻሜ ድረስ ለ1600 አመቶች ያህል ጊዜ የኢትዮጵያ ኦርቶዶክስ ሃይማኖት የሚመራው ከእስክንድሪያ
ግብጽ በሚላኩ አረብ አቡኖች ነበር። በኢትዮጵያ በዘመናዊ መልክ የተደራጀው ዳግማዊ ምንሊክ አንደኛ ደረጃ
ትምህርት ቤት የተከፈተው በ1900 ዓ.ም. እንደሆነ እና እሱም እንዲመራ የተደረገው ከእስክንድሪያ ግብጽ
በሚመጡት በእነዚሁ አረብ አቡኖች እንደነበር ባህሩ ዘውዴ ይተርካል። ና በሚከተሉዋቸው ቄሶች ስለነበር
በኢትዮጵያ የመፈጠሩት ምሁራን በሙሉ መንፈሳውያን ነበሩ። የኢትዮጵያ ነገስታትም በልጅነታቸው የሚማሩት
ይኼንኑ መንፈሳዊ ትምህርት ብቻ ነበር። በኢትዮጵያ የሚሰጠውም ትምህርት በእስክንድሪያ ግብጽ በአረበኛ
ተጽፎ ወደ ኢትዮጵያ የሚመጣ ብሉይ ኪዳንን፣ አዲስ ኪዳንን፣ መጽሐፈ ሊቃውንትን ምነናን፣ ምንኩስናንና
ብህትናን የሚያወድስ እንዲሁም የጻድቃን፣ የሰማዕታትና የመልአክት ገድል (ስራዎች) እና ድርሳን (ታሪክ) ያካትት
እንደነበር “የግራኝ ወረራ” በሚለው መጽሐፉ ተክለ ፃዲቅ መኩሪያ ዘርዘር አድርጎ ያመለክታል። ከዚያ ይህ
ትምህርት ከአረብኛ ቋንቋ ወደ ግዕዝ እየተተረጎመ በየገዳሙ እና ደብሩ እየተሰራጨ ወጣቱ (ወደፊት ንጉስ
የሚሆኑትን ጨምሮ) እንዲማሩት ይደረጋል። ስለዚህ በዚያን ዘመን ኢትዮጵያ የምታመርታቸው ምሁራን የውጭ
አገር ቋንቋ ችሎታም አረበኛ ብቻ ነበር።
የክርስትና እምነት በአክሱም ኢትዮጵያ ካለምንም እክል ቢሰራጭም በውጭው የክርስቲያን አለም ውስጥ ግን
የእየሱስ ክርስቶስን ባህሪ በሚመለከት የእምነት ልዩነት ተፈጥሮ ውስጥ ውስጡን ያነጋግር ነበር። አብዛኛው
የምዕራብ አውሮፓ (ስፔይን፣ ፖርቱጋል፣ እንግሊዝ፣ ፈረንሳይ፣ ጀርመን፣ ወ.ዘ.ተ.) ክርስትና እምነት መንፈሳዊ
አባቶች እየሱስ ክርስቶስ በአንድ በኩል ከአምላክ በሌላ በኩል ደግሞ ሰው ከሆነችው ከማሪያም በመወለዱ
“ሁለት-ባህሪ” አለው የሚል እምነት ሲይዙ በተለይ የኦርቶዶክስ እምነት ፈጣሪዋ የእስክንድሪያ ግብጽ እና
እየሩሳሌም መንፈሳዊ አባቶች ግን ሁለቱ ባህሪዎች ተዋህደው “አንድ-ባህሪ” ሆነዋል የሚል አቋም ነበራቸው።
በተፈጠረው የእምነት ልዩነት ላይ ለመወያየት ከተደረጉት ጉባኤዎች ውስጥ በ451 ዓ.ም. በጥንታዊቷ ኬልቄዶን
(Chalcedon) ከተማ (ዛሬ የኢስታንቡል/ቱርክ አካል ነች) በተደረገው ጉባኤ የክርስቲያኑ አለም በጸብ ከሁለት
ተከፍሎ እንደተለያየ ተክለ ፃዲቅ መኩርያ “የግራኝ ወረራ” በሚለው መጽሐፉ በሰፊው ይተርካል። ከዚህ ጉባኤ
ወዲህ ሁለቱ ወገኖች በጸበኛነት ስሜት መተያየት ይጀምራሉ። በመካከላቸው አለመተማመን እና መናናቅ ተተከለ።
ጠቃሚ የቴክኒክ፣ የህክምና፣ የምህንድስና እውቀት ከሁለት-መንፈሶች (ምዕራብ አውሮፓ አገሮች) ሲመጣም
አንድ-መንፈሶች የከሃዲዎች ንብረት አድርገው በመቁጠር ያናንቁ ጀመር፡፡ ኢትዮጵያ ተወካይ የመላክ መብት
ስላልነበራት የእስክንድሪያ ግብጽ አቡኖችን የነገሯትን ነበር የተከተለችው።
ያም ሆነ ይኽ ጥያቄው መነሳቱ እና ውይይት መደረጉ የስልጣኔ ምልክት ነው። አንድ-መንፈስ ወይንም ሁለት-
መንፈስ የሚለውን እምነት መከተልም ችግር አይደለም። ችግሩ የእስክንድሪያ ግብጽ አቡኖች በድፍን ጥላቻ
መዋጣቸው ነበር። ኢትዮጵያን በጥላቻ መርዝ መበከላቸው እና ከምዕራብ አውሮፓ የሚመጣን ማንኛውን ዘመናዊ ስልጣኔ የእየሱስ ክርስቶስ ከሃዲዎች ንብረት አድርጋ በመቁጠር የስልጣኔው ተጠቃሚ እንዳትሆን ማድረጋቸው
ትልቅ ስህተት ነበር። የኢትዮጵያም ጭፍን ተከታይነት ስህተት ነበር። የቀድሞ አባቶቻችን በመንፈሳዊ እና
በምድራዊ (Secular) ስልጣኔ መካከል ያለውን ልዩነት ለይተው አለማየታቸው ስህተት ነበር። ጥላቻ ያሳውራል
የሚለው አባባል ሃቅ እንደሆነ እናያለን። ከዚህ ጊዜ ጀምሮ ኢትዮጵያ ለዘመናዊ ትምህርት (Secular Education)
ማለትም ለስልጣኔ እና ለዘመናዊነት በሯን ዘጋች።
እንደሚታወቀው ከክርስቶስ ልደት በፊት ከ8ኛው መዕተ ዓለም ጀምሮ እስከ ከክርስቶስ ልደት ወዲህ 6ኛው
ምዕተ ዓመት ድረስ ለ1300 አመቶች ያህል በሜድትራኒያን ባህር አካባቢ የጥንታዊ ግሪክና ሮማ (Greco-Roman
World) ስልጣኔ አብቦ ነበር። የጥንታዊ ግሪክና ሮማ ፈላስፋዎችና ምሁራን በሳይንስ፣ በሂሳብ፣ በምህንድስና፣
በህክምና፣ በአስተዳደር፣ በፖለቲካ ሳይንስ፣ በስዕልና በቅርጽ ስነ-ጥበብ፣ በባሩድ የሚተኮስ መሳሪያ በመስራት፣
በህንጻና በመንገድ ስራ መስኮች ብዙ ጽፈው ትተውት ሄደዋል። በዚኽ ዘመነ ከነበሩት ሰዎች ውስጥ አርስቶትል
(348-322 ዓ.ዓ.)፣ ሶቅራጥስ (469-399 ዓ.ዓ.)፣ ፕሌቶ (427-347 ዓ.ዓ.)፣ ፓይታጎርስ (570-495 ዓ.ዓ.) ጥቂቶቹ
እንደሆኑ በስልጠና ክፍል አንድ ጠቅሰናል። (ፓይታጎርስ - Pythagoras Theorem ታስታውሳላችሁ? )
ከ11ኛው መቶ ዓ.ም. ጀምሮ ደግሞ በኬልቄዶን ጉባኤ ሁለት-መንፈስ የሚል አቅዋም በወሰዱት አገሮች (ስፔይን፣
ፖርቱጋል፣ እንግሊዝ፣ ፈረንሳይ፣ ጀርመን፣ ወ.ዘ.ተ.) ዋና ከተማዎች ጥንታዊ የግሪክና የሮማ ፈላስፋዎችና ምሁራን
በእጅ ጽፈው በየቦታው ትተውት የሄዱት የሳይንስ፣ የሂሳብ፣ የምህንድስና፣ የንግድ፣ የስነጥበብ፣ የመንገድ ስራ፣
የህክምና፣ የአስተዳደር፣ የፖለቲካ ሳይንስ እና የመሳሰለው እውቀት ዳግማዊ ትንሳኤውን (Renaissance) አገኘ።
ይህ እውቀት ከተቀበረበት እየተፈለገ በተለያዩ ቋንቋዎች እየተተረጎመ ተባዝቶ በአውሮፓ ተሰራጨ። አውሮፓ
እነዚህን እውቀቶች ከ11ኛው እስከ 16ኛው መቶ አመት ሳታቋረጥ በህዝቧ ውስጥ በማሰራጨቷ ትልቅ የባህል
ለውጥ አደረገች። ስለዚህ ምዕራብ አውሮፓ በእንዱስትሪ፣ በቴክኒክ፣ በንግድና በእርሻ፣ በምህንድስና፣ በህክምና፣
በቤትና በመርከብ ግንባታ፣ በአስተዳደር፣ በድንጋይ ቀረፃ፣ በብረታ ብረት፣ በባሩድ ስራና በባሩድ የሚተኮሱ
መድፍና ነፍጥ ስራዎች ወደፊት ተራመደች። መርከቦችና ዘመናዊ መሳሪያ በብዛት ማምረት ጀመረች። በኢንግሊዝ
አገር የተካሄደው የኢንዱስትሪ አብዮትም ይህን የባል ለውጥ ተከትሎ የመጣ ነበር።
ከ11ኛው እስከ 13ኛው ምዕተ ዓመት በምዕራብ አውሮፓ ዳግማዊ ትንሳኤውን (Renaissance) ያገኘው ዘመናዊ
እውቀት በየአገሩ ከተሰራጨ በኋላ የህዝቡን አስተሳሰብና ባህል መለወጥ የተቻለው ትምህርት ቤቶች በተለይም
ኮሌጆችና ዩንቨርስቲዎች ተከፍተው የህብረተሰቡን ወጣት በማስተማር ነበር። በምዕራብ አውሮፓ፣ በአረብ
ሙስሊም አገሮች እና በኢትዮጵያ ዩንቨርስቲዎች የተከፈቱበት ጊዚያት በንፅፅር እንመልከት፥
(1) በምዕራብ አውሮፓ፥ የቦሎኛ ዩንቨርስቲ (University of Bologna) የመጀመሪያው ዩንቨርስቲ ሆኖ በ1080
ዓመተ ምህረት ተከፈተ። የቦሎኛ ዩንቨርስቲ በህግና በመድፍ ስራ ትምህርቶች የታዋቂነት ታሪክ አለው።
ኦክስፎርድ ዩንቨርስቲ በ1088 ስራ ጀመረ። የፓሪስ ዩንቨርስቲ ደግሞ በ1100 ዓመተ ምህረት ተከፈተ። ርስተ
ጉልተኛው (ፊውዳሊዝም) ስርአትና ሃይማኖት ተባብረው ዘመናዊ አስተሳሰብን ክፉኛ በመታገላቸው ለጊዜው
በ1221 ዓመተ ምህረት ተቋርጦ ከተወሰነ ጊዜ በኋላ እንደገና ጀመረ። ኦክስፎርድ ዩንቨርስቲ ትምህርት መስጠት
የጀመረው በ817 ዓመተ ምህረት ነው የሚሉም አሉ። እስከ አሁን የተገኙ ሰነዶች እንደሚያመለክቱት ከሆነ ግን
የጀመረው በ1088 ዓመተ ምህረት ነው። ካምብሪጅ ዩንቨርስቲ ደግሞ በ1201 ዓመተ ምህረት ግድም ተከፈተ
(ይኽ ዘመን ኢትዮጵያ በመራ ተክለ ሃይማኖት መሪነት ወደ ዛጉዌ ዘመነ መንግስት የገባችበት ጊዜ ነበር)።
በዘመነ ፊውዳሊዝም ቤተ ክህነት የነበራትን የፖለቲካ የበላይነት እየተጠቀመች ሳይንስ (Secular) ትምህርት
እንዳይስፋፋ ታደርግ ነበር። እግዚአብሔርን ተፈታተኑ እየተባሉ ከየዩንቨርስቲው የሚከሰሱ አልፎም የሚታሰሩ
መምራን ነበሩ። የፈረንሳይ እና ኦክስፎርድ ዩንቨርስቲዎች እንዲዘጉ ለማድረግ ቤተ ክህነት ብዙ ጥራለች።
ስለዚህ ከ11ኛው ክፍለ ዘመን ግድም ጀምሮ በአውሮፓ የቤተ ክህነት መንፈሳዊ ትምህርት እና ዘመናዊ
(Secular) ትምህርት እርስ በርስ እየታገሉ ጎን ለጎን አብረው ሲጓዙ ቆይተዋል። ወደፊት ከቦታው ስንደርስ
እንደምናየው በኢትዮጵያ ግን ዘመናዊ (Secular) የኮሌጅ ትምህርት የተጀመረው በ1942 ዓ.ም. ግድም ነበር።
(2) በአረብ አገሮች፥ በግብጽ በአረበኛ ቋንቋ ድግሪ የሚሰጥ ዩንቨርስቲ የጀመረው በሳላዲን ዘመነ መንግስት
(1166-1185) እንደነበር ተጽፎ እናያለን። ዩንቨርስቲው የመንፈሳዊ፣ የህግ፣ የአስትሮኖሚ፣ የፍልስፍና፣
የስነጽሑፍ፣ የግራመር፣ የህክምና ትምህርቶች ይሰጥ ነበር። የባግዳድ (ኢራቅ) ዩንቨርስቲ ደግሞ በ1225 ዓመተ
ምህረት ፍልስፍና፣ ሂሳብ፣ የተፈጥሮ ሳይንስ ትምህርት በአረበኛ ቋንቋ በመስጠት ስራውን መጀመሩ ተጽፏል። (3) በኢትዮጵያ፥ በቅድመ አድዋ ጦርነት ዘመን ዘመናዊ እውቀት የነበራቸው ኢትዮጵያውያን ወጣቶች
የኢትዮጵያ የመጀመሪያዎቹ ምሁራን ሲሆኑ ቁጥራቸው በጣት የሚቆጠር ነበር። እነዚህ ወጣቶች
ትምህርታቸውን ያገኙት ከሚስዮናውያን እንዲሁም ከአንዳንድ አገር ጎብኚዎች ጋር በግላቸው በፈጠሩት
መወዳጀት እንጂ የኢትዮጵያ የቤተ መንግስት እና የቤተ ክህነት ባለስልጣኖች ወደ ውጭ ልከው
ያስተማሩዋቸው አይደሉም። የእነዚህን የመጀመሪያ የኢትዮጵያ ምሁራን ትምህርት እና ወደ አገራቸው
ከተመለሱ በኋላ ያደረጉትን ባህሩ ዘውዴ (ታሪክ ገጽ 103-107) ዘርዘር አድርጎ ይተርካል። (የአድዋ ጦርነት
የተደረገው እንደ ኢትዮጵያ አቆጣጠር በ1888 ዓመተ ምህረት ነበር)።
ከአድዋ ድል ወዲህ ኢትዮጵያ ከአውሮፓ ጋር የነበራት ግንኙነት እያደገ በመሄዱ እጅግ ብዙ የውጭ አገር
ቋንቋ የሚተረጉሙ ሰዎች አስፈለጋት። በኢትዮጵያ የመጀመሪያው ዘመናዊ አንደኛ ደረጃ ትምህርት ቤት
ዳግማዊ ምኒልክ ት/ቤት በ1900 ዓመተ ምህረት ተከፈተ። ቢሆንም ግን በዘመናዊና በነባሩ መንፈሳዊ
ትምህርት መካከል ሚዛን መፍጠር ያስልጋል በሚል ከእስክንድሪያ ግብጽ የመጡ የኮፕቲክ ኦርቶዶክስ
(ተዋህዶ) ቤተ ክርስቲያን ቄሶች የትምህርት ቤቱ ዋና አስተዳዳሪዎች እንተደረጉ ባህሩ ዘውዴ (ታሪክ ገጽ 108)
ያመለክታል። በኢትዮጵያ በዘመናዊ ትምህርት እና አብሮት በሚመጣው ዘመናዊ ስልጣኔ ላይ ለዘመናት
ተዘግቶ የነበረው በር ለመጀመሪያ ጊዜ በጥቂቱ የተከፈተው በዚህ አይነት ሁኔታ ነበር።
ዐፄ ኃይለ ስላሴ ለዘመናዊነት የኢትዮጵያን በር ከፈቱት። በኃይለ ስላሴ ዘመነ መንግስት በ1942 ዓመተ ምህረት
(እ.ኤ.አ. 1950) የአዲስ አበባ የተፈጥሮና የሶሻል ሳይንስ ኮሌጅ ተከፈተ። ኮሌጁ የተደራጀው በኢትዮጵያ
አንደኛና ሁለተኛ ደረጃ ትምህርት ቤቶችን በመክፈት በንቃት ይሰሩ በነበሩ ካናዳውያን እየሱሳውያን (Jesuits)
ሲሆን የተማሪዎቹ ቁጥር ከ100 በታች ነበር። የመምህራኑና የአስተዳዳሪዎቹ ቁጥር ደግሞ 9 ያህል ነበር።
የአዲስ አበባ ምህንድስና እና የአለመያው እርሻ ኮለጅ በ1944 ዓመተ ምህረት ተከፈቱ። የአለመያው እራሻ
ኮሌጅ የተከፈተው በአሜሪካው ኦክላሆማ ዩንቨርስቲ እርዳታ ነበር። በ1946 የአዲስ አበባ ህንጻ ኮሌጅ
በስዊድሾች ተከፈተ። ከዚያ የጤና ኮሌጅ በጎንደር ስራውን ጀመረ። በ1953 ዓመተ ምህረት እነዚህ ሁሉ
ኮሌጆች በአንድነት ተጠቃለው ቀዳማዊ ኃይለ ስላሴ ዩንቨርስቲን ፈጠሩ።
ቀዳማዊ ኃይለ ስላሴ ዩንቨርስቲ ሲኬት የተማሪው ቁጥር ከ1 ሺ በላይ እንደነበር ይገመታል። በ1960ዎቹ
ማለቂያና በ1970ዎቹ የዩንቨርስቲው መምህራንና አስተዳደር በአሜሪካኖች መሞላት እንደጀመረ፣ የቢዝነስ
የአስተዳደር፣ የህግና የህክምና ኮሌጆች እንደተጨመሩ፣ የተማሪውም ቁጥር ወደ አራትና አምስት ሺ ከፍ
እንዳለ ክፍሉ ታደሰ (The Generation, p. 15-16) ጨምሮ ይገልጻል። ከዚያ የህዝቡ ቁጥር እየጨመረ ሲሄድ
የተማሪውም ቁጥር ማደጉ የግድ ሲሆን የኮሌጆችና የዩንቨርስቲዎች ግንባታ ግን ባለማደጉ በ12ኛ ክፍል
መልቀቂያ ፈተና አላለፍክም የሚባለው ተማሪ ቁጥር እየጨመረ ሄደ።
ለኢንዱስትሪ አብዮት መጀመር ከሚጠቀሱት ምክንያቶች ውስጥ ዋንኞቹ ዩንቨርስቲዎችና ኮሌጆች ዘመናዊ
እውቀትን በማሰራጨታቸው በህብረተሰብ ውስጥ የተገኘው የአስተሳሰብና የባህል ለውጥ (1) የሰውን ልጅ
የምርምር ችሎታ፣ የስራ ዝንባሌ፣ እምነትና ባህል በማጎልመሱ እና (2) ነጻነታቸው የተጠበቀ ህግ አውጪ፣ ህግ
አስፈጻሚ እና የዳኝነት ዘርፍ ያሉት ዘመናዊ አስተዳደር (መንግስት) መመስረት በማስቻሉ ነው። ኢትዮጵያ
የኢንዱስትሪ አብዮትን ስልጣኔ ወራሽ እና ተጠቃሚ እንዳትሆን ያደረጋትም ዘመናዊ እውቀትን ቸል በማለቷ
ነበር። ያም ተባለ ይህ ኢትዮጵያ የነበራትን ረጅም የነፃነት ዘመን በስልጣኔ ረገድ እንዳልተጠቀመችበት ስናስተውል
መጸጸታችን አይቀርም። ቢያንስ በእነ ዐፄ ቴዎድሮስ እና በእነ ዐፄ ዮሐንስ ዘመን ቢቻልም ትንሽ ቀደም ሲል ጀምሮ
የነበረው ህዝባችን ጥቂቱ እንኳን በኮሌጀ ደረጃ ዘመናዊ ትምህርት የመማር እድል ቢያገኝ ኖሮ ዛሬ በዚህ ስልጠና
ላይ የመንግስት ሽግግር የፖለቲካ ትግላችን በትጥቅ ትግል ሳይሆን በምርጫ እና በሰላማዊ ትግል ቢፈጸም ይሻላል
የሚል ውይይት ባላደርግን ነበር። እንደ አውሮፓ የምርጫ ፖለቲካ ባህላችን አድጎ በተገኘ ነበር።
በስልጠና ክፍል አንድ ዐፄ ቴዎድሮስ ኢትዮጵያ በዘመናዊ ስልጣኔ ከአውሮፓ እጅግ ብዙ ወደ ኋላ መቅረቷን
አስተውለውት እንደነበር እና በዘመነ መንግስታቸው ፍፃሜ ግድም ዘመናዊ ትምህርት ወደ ኢትዮጵያ ለማስገባት
ያደረጉትን ጥረት አጭር ታሪክ በመተረክ ነበር ስለ ዘመናዊ ስልጣኔ የጀመርነውን ጥናት ያጠናቀቅነው። ታሪኩ
እንደሚከተለው ተጨምቆ ሊቀርብ ይችላል።
በ1858 ዓመተ ምህረት በክፍያ ዘመናዊ ትምህርት የሚያስተምሩ አውሮፓውያን ኢትዮጵያ መጥተው የኢትዮጵያን
ወጣት እንዲያስተምሩ ለመቅጠር ደብዳቤ ላኩ። ከአውሮፓ የቴክንክ ትምህርት መምህራን ቀጥረው የኢትዮጵያን ወጣቶች ለማስተማር ክፍት የስራ ቦታ እንዳላቸው የሚገልጸውን ደብዳቤ አስይዘው ጓደኛቸውን ሚሲዮናዊውን
ማርቲን ፍሌድን (Martin Flad) ወደ አውሮፓ ላኩ። ማርቲን የፕሮቴስታንት ሃይማኖት ሚስዮናዊ ጓደኛቸው
ወደ አውሮፓ ይዞት የሄደው የመምህራን መመልመያ የስራ ማስታወቂያ መልዕክት የሚከተለውን ይል ነበር።
“ አቶ ፍሌድን ወደ አውሮፓ ልኬዋለሁ። የእጅ ጠበብቶች እፈልጋለሁ። የመጠቻሁትን በሙሉ ለመቀበልና
ለማስተናገድ ደስተኛ ነኝ። እዚህ መኖር ከፈለጋችሁም በደስታና በምቾት እንደምትኖሩ ላረጋገጥ እውዳለሁ።
አስተምራችሁ ወደ አገራቸው መመለስ ከፈለጋችሁም ደሞዛቸሁን ከፍዬ ወደ አገራችሁ በደስታ እንደምሸኛቸው
ላረጋግጥ እውዳለሁ” ማለቱን ባህሩ ዘውዴ (ታሪክ ገጽ 37) ያመለክታል።
ኢትዮጵያ የዚህ ዘመናዊ እውቀት ወራሽ እና ተጠቃሚ ከመሆን ፈንታ ቸል በማለቷ በ19ኛው እና በ20ኛው መቶ
አመቶች ውስጥ የፈጠረቻቸው ምሁራን እና ነገስታት እነ ዳግማዊ ዐፄ ቴዎድሮስ (1847-1860)፣ እነ ዐፄ ዮሐንስ
አራተኛው (1864-1881) እና እነ ዳግማዊ ዐፄ ምንሊክ (1882-1906) ሳይቀሩ ትምህርታቸው የገዳም መንፈሳዊ
ትምህርት ነበር። የሩቆቹን የምዕራብ አውሮፓውያንን መሪዎች ስልጣኔ ደረጃ ትተን የጎረቤታችንን የግብፅን
ሙስሊም መሪዎች ሁኔታ ብንመለከት እንኳን ባፄ ዮሐንስ ዘመን አቻቸው የግብጹ ገዢ ከዲቭ ኢስማኢል (1855-
1871) በካይሮ ኮሌጆች የሚሰጠውን ትምህርት ካጠናቀቀ በኋላ የፈረንሳይ አገር ኮሌጅ ተጨማሪ ዘመናዊ
ትምህርት ነበረው። ከዲቭ ኢስማኢል በኢትዮጵያ ላይ ሁለት ጊዜ ወታደራዊ ወረራዎች ፈጽሞ በሃፍረት
የተመለሰው የግብጽ መሪ ነው። በከዲቭ ኢስማኢል መንግስት ውስጥ የነበሩት ሹማምንት ሳይቀሩ ከፍተኛ ዘመናዊ
ትምህርት እንደነበራቸው እና ፈረንሳይኛም ሆነ እንግሊዘኛ ቋንቋዎችን አስተርጓሚ ሳያስፈልጋቸው እንደልባቸው
ይናገሩ እንደነበር ዐፄ ዮሐን እና የኢትዮጵያ አንድነት በሚለው መጽሐፉ ተክለ ፃዲቅ መኩሪያ በዚያን ዘመን ባፄ
ዮሐንስ እና በከዲቭ ኢስማኢልን መንግስቶች መካከል የነበረውን የስልጣኔ ደረጃ ልዩነት ዘርዘር አድርጎ አቅርቧል።
ኢትዮጵያ ነፃነቷን ለረጅም ዘመን ማስከበሯ ሲያኮራ ከዘመናዊ ትምህርት የሚገኘውን ስልጣኔ ፍጹም ቸል ማለቷ
ግን ይጸጽታል። ስለዚህ እስከ 20ኛው መቶ አመቶች ድረስ በኢትዮጵያ የሰጥ የነበረው ትምህርት የ20ኛው መቶ
ክፍለ ዘመን ከሚጠይቀው የስልጣኔ ደረጃ እጅግ ወደኋላ የቀረ ነበር። ዘመናዊ ትምህርት በኢትዮጵያ መሰጠት
የተጀመረው በ21ኛው ክፍለ ዘመን አጋማሽ ግድም በመሆኑ ቀደም ብሎ ኢትዮጵያ በጣም ጠቃሚ የሆኑት ዘመናዊ
የሳይንስ፣ የህክምና፣ የኢኮኖሚክስ፣ የምህንድስና፣ የህግ፣ ዘመናዊ የጦር መሳሪያ የመስራት፣ የፖለቲካ ሳይንስ እና
የመሳሰሉት ዘመናዊ እውቀት የነበረው ሰው ኢትዮጵያ አልነበራትም።
እርግጥ ነው ዛሬ ይኽ ችግር ከኋላችን ነው። በርካታ ዩንቨርስቲዎች አሉ። ቁጥራቸው እና የሚሰጡት ትምህርት
ጥራት ሳያቁርጥ መሻሻል አለበት። በዘመናዊ እውቀት ላይ በር ዘግታ የቆየች ኢትዮጵያ ስታከማቸው የነበረው
ኋላቀርነት እንዲ ባጭር ጊዜ የሚወገድ አይደለም። ዛሬም ኋላቀርነት አብሮን ቆሞ ሲሄድ የሚታይ ነው ልብ
ለሚል። ወደ ስልጣኔ የሚወስዱ ብዙ ስራዎች ይጠብቁናል። የርስ በርስ ጦርነት ግን አንዱ አይደለም።
ስለዚህ ዘመናዊ (Secular) ትምህርት በምዕራብ አውሮፓ ቀደም ብሎ ከቤተ ክህነት ትምህርት ጋር እየታገለ
የማደግ እድል ሲያጋጥመው በኢትዮጵያ ግን የቤተ ክህነት ትምህርት በዘመናዊ (Secular) ትምህርት ላይ በር
ዘግቶ ኢትዮጵያን በጨለማ ውስጥ አቆይቷል። ዘመናዊ (Secular) ትምህርት በምዕራብ አውሮፓ መሰራጨት እና
የህብረተሰቡን ባህል መቀየር ከጀመረ 900 አመቶች ያህል ጊዜ ዘግይቶ ኢትዮጵያ በመግባቱ ነው ኢትዮጵያ
በስልጣኔ ወደኋላ የቀረችው። ይህ አንደኛው ምክንያት ነው። ሁለተኛውን ምክንያት ለጥቀን እንመልከት።
(2ኛ) የኢትዮጵያ የመንግስት ስልጣን ሽግግር ባህሏ

ለዘጠኝ መቶ አመቶች ላላነሰ ጊዜ ኢትዮጵያ በዘመናዊ (Secular) ትምህርት እና ትምህርቱን ተከትሎ ለሚመጣ
ዘመናዊነት እና ስልጣኔ ጀርባዋን መስጠቷ ለኋላ መቅረቷ አንዱ አውራ ምክንያት እንደነበር ከፍ ብለን አንብበናል።
በእንቅርት ላይ ጆሮ ደግፍ እንዲሉ ደግሞ ቢያንስ ቢያንስ ከአክሱም ስልጣኔ መውደቅ ወዲህ ጀምሮ አምባገነኑ
ህውሃት/ኢህአዴግ በ1983 ዓ.ም. ስልጣን እስከጨበጠበት ጊዜ ድረስ በእርስ በርስ ጦርነት ይፈጸም የነበረው
የመንግስት ሽግግር ባህሏ ኢትዮጵያን እጅ እና እግሯን ተብትቦ ስለስልጣኔ የምታስብበት መተንፈሻ ጊዜ እንኳን
እንዳይኖራት አድርጓት ነበር። ስለዚህ ኢትዮጵያ ከውጭ ወረራ ረጅም የነፃነት ዘመን ቢኖራትም በስልጣኔ
እንዳትገፋ ያደረጋት ሁለተኛው አውራ ምክንያት በእርስ በርስ ጦርነት የሚፈጸመው የመንግስት ሽግግር ባህሏ ነበር
ማለት ይቻላል። በዚህ ጉዳይ ላይ ተክለ ፃዲክ መኩሪያ፣ ባህሩ ዘውዴ፣ ሃሮልድ ማርኪውስ እና ፓንክረስት
የመሳሰሉ የታሪክ ምሑራን ብዙ ጽፈውታል።
 የመንግስት ሽግግር ባህሏም በበኩሉ ከስልጣኔ እንድትርቅ አድርጓል። ለምን ያህል ጊዜ (ስንት አመቶች)? ግምት
መስጠት እንችላለን? እንሞክር!

በኢትዮጵያ ሲደረግ የነበረው የመንግስት ሽግግር ታሪካችን ሁለት አኪያሄዶች ነበሩት። አንደኛው አኪያሄድ ከአንድ
ዝርያ ወደ ሌላ ዝርያ የሚደረግ የመንግስት ሽግግር ሲሆን ሁለተኛው ደግሞ በአንድ ዝርያ ውስጥ ከአባት ወደ ልጅ
የሚፈጸም የመንግስት ስልጣን ሽግግር ነበር። ሁለቱም አይነት የመንግስት ሽግግሮች ከጦርነት ነፃ አልነበሩም።
በጦርነቶቹ መካከል ልዩነት ካለም የጦርነቱ አስከፊነት መጠነ እና የጦርነቱ እድሜ ብቻ ነበር።

ለጥናት እንዲያመቸን ካፄ ኢዛና (321 ዓ.ም.) በፊት ለመንግስት ሽግግር (ለስልጣን) የተደረጉትን የእርስ በርስ
ጦርነቶች በሙሉ ከግምት አናስገባም። ጥናታችንን ይበልጥ ቀላል ለማድረግ ስንል ካፄ ኢዛና ወዲህ ተሞክረው
ያልተሳኩትን ቁጥር ስፍር የሌላቸው ለመንግስት ሽግግር የተደረጉ የእርስ በርስ ጦርነቶች በሙሉ ወደጎን
እንተዋለን። ጥናታችን ካፄ ኢዛና ወዲህ በተደረጉት የተሳኩ የመንግስት ሽግግሮች ላይ ያተኩራል። ስለዚህ በ321
ዓ.ም. በስልጣን ላይ ከነበረው ካፄ ኢዛና ዘመነ መንግስት ጀምረን እስከ በ1983 ዓ.ም. በእርስ በርስ ጦርነት ስልጣን
የጨበጠው አምባገነኑ የህውሃት/ኢህአዴግ መንግስት ድረስ ከነበሩት 1662 አመቶች ውስጥ የመንግስት ሽግግር
ባህሏ ስንት አመቶች እጅ እና እግሯን ተብትቦ በማሰር ስልጣኔ ከውስጥም እንዳታበቅል እንዳደረጋት አጠቃላይ
ግምት ለመስጠት እንሞክራለን። እያንዳንዱ የመንግስት ሽግግር ባህላችን ጦርነት የፈጀው ጊዜ በዝርዝር ተጽፎ
የተላለፈልን መረጃ የለንም። ለግዜው ማድረግ የምንችለው እነ ተክለ ፃዲቅ ጽፈው ካወረሱን ትረካ ግምት
ለመውሰድ መሞከር ነው። እያንዳንዱ የተሳካውም ያልተሳካውም የመንግስት ሽግግር የፈጀውን ጊዜ አመት
በአመት የማስላቱን ስራ ለመጪው ትውልድ ታሪክ ተመራማሪዎች እንተዋለን።

ካፄ ኢዛና (321 ዓ.ም.) ወዲህ የተደረጉትን ዋናዎቹን የመንግስት ሽግግሮች እንደሚከተለው መከፋፈል እንችላለን፥
(1) ከኢዛና ዝርያዎች ወደ ንግስት ዮዲት (ቤተ እስራኤሎች) ዝርያዎች፣ (2) ከቤተ እስራኤሎች ወደ ላስታው መራ
ተክለ ሃይማኖት (ዛጉዌ ስረወ መንግስት) ዝርያዎች፣ (3) በ1262 ከላስታ አገዎች ወደ ሸዋው ይኩኖ አምላክ
ዝርያዎች፣ (4) በ1523 ዓ.ም. ያፄ ይኩኖ አምላክ ዝርያ ከነበረው ልብነ ድንግል ወደ ይማም አህመድ (ግራኝ በሚል
የሚታወቁት እና በአባታቸው የኦጋዴ በእናታቸው ደግሞ የሐረር ተወላጅ የሆኑት)፣ (4) በጎንደር ካፄ ገላውዲዎስ
1533-1552) እስከ ዐፄ እዮዋስ (1747-1761) (በአባት የቋራ አማራ በእናት ደግሞ የየጁ ኦሮሞ)፣ (5) ከራስ ስሑል
እስከ የየጁው ትንሹ ራስ ዐሊ (ዘመነ መሳፍንት)፣ (5) ካፄ ቴዎድሮስ (1847-1860) እስከ ሰቆጣው ዐፄ ተክለ
ጊዮርጊስ (1860-1864) ከዚያ ወደ ተምቤኑ ዐፄ ዮሐንስ (1864-1881) ከዚያ ወደ ሸዋው ምኒልክ (1882-1906)፣
(6) ከምንሊክ ወደ ልጅ ልጃቸው ልጅ እያሱ ከዚያ ወደ ምኒልክ ሴት ልጅ ዘውዲቱ ከዚያ ወደ ኃይለስላሴ ከዚያ
ወደ ደርግ ከዚያ ወደ ህውሃት/ኢህአዴግ። እነዚህ የመንግስት ሽግግሮች በሙሉ የተጠናቀቁት በእርስ በርስ ጦርነት
እና ሽብር ነበር።

ከአባት ወደ ልጅ የተደረጉ የመንግስት ሽግግሮችም ከሁከት እና ከእርስ በርስ ጦርነቶች የጸዱ ስላልነበሩ ሁከቱን
እና ጦርነቱን ለመቀነስ ነገስታቱ ልጆቻቸውን በጠባቂ በሚከተሉት እስርቤቶች ሆነው የንጉስነት ተራቸውን
(እድላቸውን) እንዲጠብቁ አድርገዋል። (1) ደብረ ዳሞ አምባ እስር ቤት፥ በአክሱም ዘመነ መንግስት በዙፋን ላይ
የሚገኘው ንጉሱ ታመመ በተባለ ቁጥር በቤተ ዘመድ ውስጥ “ዙፋን ይገባኛል” “ተረኛው እኔ ነኝ” የሚሉ ሁከቶች
እና ጦርነቶች ይነሱ ነበር። ስለዚህ ይኽን ሁከት እና የርስ በርስ ጦርነት ለማስወገድ ነገስታቱ ልጆቻቸውን እና
በቅርብ ከሚዛመዱዋቸው የሚወለዱትን ጨምረው በትግራይ ከአዲግራት በስተ ምዕራብ በሚገኘው ደብረ ዳሞ
አምባ ጠባቂ ተደርጎላቸው የንግስና ተራቸውን እንዲጠብቁ ይደረግ እንደነበር ተክለ ፃዲቅ መኩሪያ ይገልጻል። (2)
ግሸን አምባ እስር ቤት፥ የአክሱም ነገስታትን ልማድ በመከተል የላስታዎቹ ነገስታትም ተመሳሳይ ችግር ለማስወገድ
ከደሴ በስተምዕራብ ግሸን አምባ ይባል የነበረውን ተራራማ ቦታ ለእስር ቤት ተጠቅመውበታል። (3) ግሸን አምባ
እስር ቤት (እንደገና)፥ የአክሱምን እና የላስታን ነገስታት ልማድ በመከተል እስከ ልብነ ድንግል ድረስ የነበሩት
የሸዋ ነገስታትም ይህንኑ ግሸን አምባን እንደ እስር ቤት ተጠቅመዋል። በግሸን አምባ የነበሩት የነገስታት ዝርያዎች
በሙሉ በእስር ላይ ሳሉ በልብነ ድንግል እና በይማም አህመድ መካከል የተካሄደው እንደፈጃቸው ተክለ ፃዲቅ
መኩሪያ እና የውጭ ታሪክ ጸሐፊዎች ጽፈዋል። (4) ወህኒ ተራራ እስር ቤት፥ በጎንደር ዘመነ መንግስት ደግሞ ካፄ
ፋሲል ጀምሮ ከጎንደር በስተ ምዕራብ የሚገኘውን ወህኒ ተራራን ለተመሳሳይ ተግባር ነገስታቱ ተጠቅመዋል።

ለጥቀን ከኢዛና ዘመነ መንግስት (321 ዓ.ም.) እስከ ህውሃት/ኢህአዴግ ስልጣን እስከጨበጠበት 1883 ዓ.ም. ድረስ
ከተደረጉት የመንግስት ሽግግሮች ውስጥ አለፍ አለፍ እያልን ጥቂት ምሳሌዎች እንመለከታለን፥
 (1) ወደኋላ መለስ ብለን የንግስት ዮዲትን ዘመን ብናይ ከመንግስት ስልጣን በፊት 50 አመቶች ግድም እና
በስልጣን ዘመኗ ደግሞ 40 አመቶች በድምሩ 90 አመቶች የጦርነት ዘመን እንደነበሩ ተጽፎ እናያለን። (90)
(2) በቱርክ እና ግብጽ የታገዙት የይማም አህመድ ዘመንንም ብንወስድ በቱርክ ወታደራዊ የበላይነትን
ከማግኘታቸው በፊት እና ወታደራዊ የበላይነትን የያዙበት አመቶች እንዲሁም ፖርቱጋሎች ክርስቲያኖችን
አግዘው የተዋጉበት አመቶች በድምሩ ከ30 አመቶች በላይ ይሆናል። (30)
(3) ከሠርፀ ዘድንግል ወደ ፋሲል አባት (ዐፄ ሱስነየስ) የተደረገው የመንግስት ሽግግር በቀጣይነት የርስ በርስ
ጦርነት ዘመን ነበር። ሠርፀ ሲሞት ለትንሽ ልጁ አቆብ (1590-1595) አወረሰ። የአጎቱ ልጆች ዙፋን ለኛ
ይገባል የሚል ጦርነት ከፍተው ዙፋኑ ከአቆብ ወደ ዘድንግል (1595-1596) ከዚያ ከዘድንግል እንደገና ወደ
ያእቆብ (1596-1598) ከዚያ በመጨረሻ ወደ ፋሲል አባት ሱስነየስ (1598-1625) የተሸጋገረው በድምሩ 10
አመቶች የርስ በርስ ጦርነት ከተደረገ ቧላ ነበር። ምናልባትም ለዚህ ነበር ፋሲል ዮሐንስ ከተባለው ልጁ
በስተቀር የቀሩትን ልጆቹን እና ሌሎች ዘመዶቹን ወደ ተራራ ወህኒን የላከው። (20)
(4) ታላቁ እያሱ ከተገደለበት (1698) ጊዜ ጀምሮ ባባቱ ቋራ በእናቱ የጁ የሆነው ዐፄ እዮአስ እስከተገደለበት
1761 ዓ.ም. ድረስ የነበሩት 63 አመቶች የማያቋርጥ የእርስ በርስ ጦርነት አመቶች ነበሩ። (63)
(5) በ1761 ዓ.ም. ዘመነ መሳፍንት ከተነሳ ወዲህ እስከ ወደቀበት 1847 ዓ.ም. ድረስ 86 አመቶች ሲኖሩ ከዚያ
ውስጥ የየጁው ራስ ጉግሳ በገዙበት ዘመን ከነበረው ትንሽ መረጋጋት በስተቀር ሰላም አልነበረም። (86)
(6) ከዚያም ያፄ ቴዎድሮስ ዘመን (1847-1860) ማለቂያ ባልነበረው የማስገበር ዘመቻ ተጠምዶ ስለነበር እስከ
ፍጻሜያቸው ድረስ የነበሩት 13 አመቶች የመንግስት ሽግግር የእርስ በርስ ጦርነት አመቶች ነበሩ። (13)
(7) ያፄ ተክለ ጊዮርጊስ 4 አመቶችም የጦርነት ዘመን ነበሩ። (4)
(8) ያፄ ዮሐንስ ዘመን (1864-1881) በግብጾች እና በቅኝ ገዢዋ ኢጣሊያ ጦርነቶች ከመጠመዱ ባሻገር ለስልጣን
ከውስጥ የሚያፈነግጠው ጥቂጥት አልነበረም። በዚህ የተነሳ ዮሐንስ መጨረሻ መተማ ላይ እስከሞቱበት ጊዜ
ድረስ በቤተ መንግስታቸው ያደሩባቸው ቀኖች በጣም ጥቂት ነበሩ። (17)
(9) ከምኒሊክ ዘመነ መንግስት (1882/9-1906/13) እስከ ምኒልክ ፍጻሜ (1906/13) ድረስ የተወሰነ የሰላም ጊዜ
ቢኖርም ከዚያ እስከ ኃይለስላሴ ንጉሰ ነገስት (1922/30-1967/75) ያልተቋረጠ የመንግስት ሽግግር ጦርነቶች
ተካሂደዋል። የምኒልክን ዙፋን ወራሽ የልጅ እያሱ ዘመን (1906/13-1919/27) ከመንግስት የተፈነቀለው
በብዙ የርስ በርስ ደም መፋሰስ ነበር። ከዚያም ወደ ኃይለስላሴ ንግስና በተደረገው የመንግስት ሽግግር ሂደት
የልጅ እያሱን ደጋፊዎች፣ የንግስት ዘውዲቱን (1919/27-1922/30) ደጋፊዎች፣ የምኒልክን ባለቤት የእቴጌ
ጣይቱን ደጋፊዎች የማጽዳት በርካታ የርስ በርስ ጦርነት ተፈጽሟል። የኢትዮጵያ የመጀመሪያዋ ከርካሳ
አውሮፕላን የመጀመሪያ ስራ ለመንግስት ሽግግር በጎንደር ተቃዋሚዎች ላይ ቦንብ መጣል እንደነበር እና
የኢትዮጵያ የመጀመሪያው ታንክም በአዲስ አበባ ለተመሳሳይ ጉዳይ ስራ ላይ ውለው እንደነበር ባህሩ ዘውዴ
ያመለክታል። የኃይለስላሴን የመጨረሻዎቹ አመቶች የእርስ በርስ ጦርነቶች ብንጨምር ከምኒልክ ዘመነ
መንግስት ጅማሬ እስከ ኃይለስላሴ ዘመነ መንግስት ፍጻሜ ድረስ በግምት 16+4=20 አመቶች የጦርነት
አመቶች ብሎ መውሰድ ይቻላል)
(10) የደርግ 17 አመቶች ከዘመነ መሳፍንት በባሰ ደረጃ ከ7 በላይ የሚሆኑ ኢትዮጵያዊ ድርጅቶች እርስ በርስ
ተዋግተዋል። (17)

ስለዚህ ካፄ ኢዛና ከነገሰበት ከ321 ዓ.ም. እስከ በ1983 ዓ.ም. ድረስ ከነበሩት 1662 አመቶች ውስጥ የተሳኩት
የመንግስት ሽግግሮች በግምት ከ360 እስከ 400 አመቶች ያህል ጊዜው ወስደዋል ብንል ስህተት አይመስለኝም።

በ400 አመቶች ላይ ያልተሳኩት የመንግስት ሽግግሮች የወሰዱት ጊዜ ቢጨመርስ? በዚያ ላይ ኢትዮጵያ ከቱርኮች
እና ከኢጣሊያ ጋር ያደረገቻቸው ጦርነቶች የወሰዱት ጊዜ ቢጨመርስ?

እንደ እኔ ከሆነ በአጠቃላይ በትንሹ ከ500 አመቶች ላላነሰ ጊዜ ኢትዮጵያ እጅ እና እግሯ በጦርነት ተተብትቦ
ከአገር ውስጥ ስልጣኔ እንዳይበቅል ተደርጓል። ትንሽ የሰላም ጊዜ እና ጥሩ መሪ ሲገኝ የሚደረገው እድገትም
ለጥቀው በሚካሄዱ ጦርነቶች ይወድማሉ። አገሪቱ ወደ ኋላ ትሄዳለች። ይህን የእርስ በርስ ጦርነት አውዳሚነት
እና ጎታችነት ጸባይ አስመልክቶ ተክለ ፃዲቅ መኩሪያ ካፄ ልብነ ድንግል እስከ ዐፄ ቴዎድሮስ በሚለው መጽሐፉ
የታላቁ እያሱን ዘመን እንደ ምሳሌ በመውሰድ በታላቁ እያሱ በዘመን የገነባው በሙሉ ከታላቁ እያሱ በኋላ
በመጡት የርስ በርስ ጦርነቶች መውደማቸውን ይተርካል።

የመንግስት ሽግግር እርስ በርስ ጦርነት ታሪካችን ኢትዮጵያችንን ወደ ኋላ የማስቀረት እንጂ ወደ ስልጣኔ
የማራመድ ሚና ተጫውቶ እንደማያውቅ ግልጽ ይመስለኛል። የመንግስት ሽግግር ባህላችን ብዙ ጊዜ አቃጥሏል
ኢትዮጵያ ወደፊት እንዳትራመድ በማድረግ። ከዚህ በኋላ ኢትዮጵያ በስልጣኔ ብዙ እርቀዋት የሄዱትን አገሮች ለመድረስ የርቀት ቅነሳ ስራ ላይ በትጋት መሰማራት አለባት። ወደ ስልጣኔ መንደር የሚያደርሱ ብዙ ስራዎች
በትጋት መስራት ይጠበቅባታል። ለመንግስት ሽግግር የሚደረግ የ’እርስ በርስ ጦርነት ግን አንዱ አይደለም።

በቅርቡ ደግሞ ትጥቅ ትግል ለማጣፈጥ ሲባል አዲስ ሰበካ ተጀምሯል። እኛ የምናካሂደው ትጥቅ ትግል የማንዴላ
አይነት ትጥቅ ትግል ነው የሚል ማጭበርበሪያ። ጦርነት ጦርነት ነው። ይህን አባባል የሚያስተጋባው ቡድን
በአንድ በኩል ተከታዮቹ መከተላቸውን እንዲቀጥሉ ለማድረግ ሲሆን በሌላ በኩል ደግሞ ሰላማዊ ትግል
ካደረሰበት ትኩሳት ለጊዜው እረፍት ለማግኘት በሰላማዊ ትግል ንድፈ አሳብ ተማሪዎች እና ደጋፋዊዎች ላይ
የከፈተው የማሸማቀቅ የስነ ልቦና ጦርነት ነው። መለስ ዜናዊ በምርጫ 97 የተቃሚው አሳብ የህዝብ ድጋፍ እያገኘ
መሄዱን ሲያስተውል ደጋፊዎቹን ለማረጋጋት እና ተቃዋሚውን ለማሸማቀቅ ኢንተርሃምዌይ እስከማለት ደረሶ
እንደነበር አስታውሳለሁ። አምባገነኖች ብዙ ይላሉ። የሚሉት ሁሉ ግን ከአጭር ጊዜ መፍትሄነት ባሻገር
አይረዳቸውም። ይሄም ያን አይነት የስነ ልቦና ጦርነት ነው። የአለም ህዝብ ለማንዴላ ክብር የለገሰው ጠበንጃ
በማንሳቱ አይደለም። በሃውልቱም ላይ የሚጻፈው ጦረኛ መሆኑ አይደለም። ቤተሰቡም እስከ ልጅ ልጆቹ ድረስ
በአደባባይ ስለማንዴላ የሚሰብኩት ሰላማዊነቱን እና በሰላማዊ መንገድ አፓርታይድን እንዳፈረሰ ነው።
አፓርታይድ የፈረሰው በትጥቅ ትግል አይደለም። የደቡብ አፍሪካ የመጀመሪያው ጥቁር ፕሬዘዳንት ሊሆን
የቻለው በትጥቅ ትግል አይደለም። ጥቁር እና ነጭ ደቡብ አፍሪካውያን በህብረት ያደረጉት ሰላማዊ ትግል
መዘንጋት የለበትም። ታዋቂ ጥቁር እና ነጭ ደቡብ አፍሪካውያን አርቲስቶች የአለምን ህዝብ በአፓርታይድ ላይ
ለማስተባበር ያደረጉት ቀጣይነት ያለው አለም አቀፍ ሰላማዊ ዘመቻቸው መዘንጋት የለበትም። ማንዴላን
ለማስፈታት እና አፓርታይድን ለማስፈታት የአለም ህዝብ ያደረገው ሰላማዊ ትግል መዘንጋት የለበትም።
በማንዴላ ሃውልት ላይ የሚጻፈው የጦር አበጋዝነቱ እና የገደለው ሰው ቁጥር ሳይሆን ማንዴላ ከእስር ቤት ከወጣ
በኋላ የፈጸመው ነው።


በመጨረሻ ወደ ኢትዮጵያ ልመለስ እና ውይይቴን ልደምድም። ሰላማዊ ትግል ሰላማዊ ሰልፍ ማድረግ ብቻ
አይደለም። ሰላማዊ ትግል በምርጫ መሳተፍ ብቻ አይደለም። ሰላማዊ ትግል በአደባባይ ወጥቶ መቃወም ብቻ
አይደለም። ሰላማዊ ትግል እነዚህን ሁሉ ማድረግ ነው። በተጨማሪ ሰላማዊ ትግል ህዝብን የራሱ ነፃ አውጭ
በማድረግ (1) በስልጣን ላይ የሚገኝን አምባገነን መንግስት አስወግዶ ህዝብን የመንግስት ስልጣን ባለቤት
ማድረግን፣ (2) መፈንቅለ መንግስት ቢነሳ ትብብር መንፈግ፣ (3) እንደ ህውሃት/ኢህአዴግ ከጫካ ወይንም
ከጎርቤት አገር (ኤርትራን ጨምሮ) ተነስቶ ልውረርህ የሚል ቡድን ቢመጣ ህዝባዊ መከላከል (Civil Resistance)
ማድረግን ያካትታል። ሰላማዊ ትግልን በሚመለከት ግንዝቤያችን ሰፋ ያለ መሆን አለበት። የቀድሞው የመንግስት
ሽግግር ባህላችን ደደብ ነው። ብልህ ሰዎች አይከተሉትም። 

Woyane’s jungle justices: Guilty until the evidence is manufactured?

January 11, 2014
When people get drunk on beer they become obnoxious but, by lust for power and money they become deadly. Playing zero-sum games of ‘us against them’ and ‘guilty until proven innocent by trumping on the rights and freedoms of our people is crude joke of diversions.
by Teshome Debalke
Ethiopia became a comedy club of TPLF‘s crude jokes In the last two decades but, nobody is laughing. It is another tragedy we as people are going through in our history where our rights became a commodity bought-and-sold by ethnic warlords.TPLF jungle justices
The stooges of Woyane masquerading as officials, cadres, parliamentarians, judges, journalists… are nothing more than impersonators of TPLF’s deadly jokes. That isn’t all, if you don’t take their crude jokes as real you are guilty of violating one thing or another—‘terrorism’ being their favorite joke these days for obvious reason. If that don’t work, there is always ‘corruption’,  ‘violating the constitutional order’ or my favorite one, ‘to change constitutionally elected government by unconstitutional means’ — as the former comedian chief extraordinary Birket Simon use to put it.
As a result, ‘guilty until proven innocent’ became Woyane’s trademark and weapon of mass terror at the cost of thousands of our people’s lives, rights and freedom.
When they say ‘little knowledge is dangerous’ they weren’t kidding. Thus, when a constitution became a cookbook of ethnic peddlers, it turned into a weapon-of-mass-division. When the courts became lodges of ethnic cadres, they turned into weapon-of-mass-punishments. When the security apparatuses became the club of ethnic assassins, it became a weapon-of-mass-terror. When Election Board becomes a coffee shop of ethnic stooges, it turned into a weapon-of-mass robbery of votes. When the Media becomes a studio of headless cadres, it turns into the weapon-of-mass-deception. When public resources fall under corrupt ethnic officials/cadres, it becomes the weapon-of mass-robbery, and on and on. Welcome to Revolutionary Democracy and Developmental State designed by self-declared minority warlords.
The former High court Judge Israel Feyesa interview on ESAT radio, (a must listen interview)  describing the lawless jungle justices of Woyane and the crude jokes of TPLF on the rights of our people. A true professional and patriotic Ethiopian we can’t afford not to listen to understand when justice falls in the hand of headless ethnic gangs of cadres. Moreover, we can’t seat idle when an out of control TPLF goons are dividing and destabilizing our community using ethnic warlords to sustain Minority Rule.
Woyane stooges and apologists must either be dumb enough to go along with the jungle justice or corrupt enough to clap with one hand and laughing their way to the bank with the other. There is no other explanation why their behaviors like headless chickens at the expense of the rights and freedom of the people of Ethiopia.
Ever since TPLF’s comedian extraordinary Meles Zenawi departed, the headless ethnic stooges seem to run out of material to humor us and are increasingly sounding silly.  Apparently, the ethnic warlord that replaced him wasn’t good enough to come up with his own crude jokes he was assigned deputy comedians to help him. In fact, at best the new warlord and his deputies can come up with is recycling the late TPLF’s warlord/comedian’s jokes.  Everywhere you look; it is like watching a re-run of the same crude jokes over-and-over again.
Likewise, Woyane cadres/comedians in Diaspora with privilege of seeking knowledge under the safety of the free world are parroting the same crude jokes.   The ‘terrorist are coming’ and’ the economy is growing by double digit’ seems the only line their miserable lives depended on.   The reality– the self-declared minority ethnic tyranny’s stooges are the only terrorist in the house that are terrorizing and robbing the people of Ethiopia by double digit don’t seem to cross their mind for the obvious reasons.
Cruder cadres/comedians among the Diaspora are those masquerading as journalist and Media–running around in circle like headless chickens.  It isn’t knowledge they are  lacking nor deprived of freedom to express it, but lack of character made them ride the low road on behalf of ethnic tyranny that are committing heinous crimes on Ethiopians.
Unfortunately, a little perk for people confined in ethnic cage can go a long way of making headless stooges talk with both sides of their mouth. How long they remain accessory to crime–playing these deadly crude jokes remain to be seen.
Don’t get the wrong impression, stooges and apologists of Woyane are not the only crude comedians in our community. There are many comedians more than we need. Some in the ‘opposition’ camp can be as crude jokers as Woyane stooges and apologists.  The more visible and vocal one that comes in mind is ‘Oromo First’ comedian Jawar Mohamed and Co. The young and confused ethnic comedian that often  throws the ‘baby with the bathwater’ every time he opens his mouth continue to reduces the rights and freedom of our people into comedy show. He reminds me of the Eritrean Liberation Front’s comedians that played the crude joke on our people to end up dividing them from motherland and ended up with no liberation, freedom, rights or mother or fatherland.
I think this liberation movement is a deliberate ploy of opportunists to divide and deprive our people their freedom, their rights and their country and the evidence is compelling.
Jawar and Co. isn’t any different following the footsteps of his mentors.  His group last crude joke of the year was when they  render Emperor Menlik II guilty until proven innocent for the loss of’ 5 million ‘Oromos’ during his rule.   When we found out the entire population of Ethiopia was only seven million at that period, the ‘Oromo First’ comedian of the year and the Colombian University student- expert in ‘peaceful movement’ and ‘political analyst’ was mute to man-up. The man that is willing to pile up numbers of our people’ killed that were not even born at the period in order to render guilty verdict on the legendary ‘King of Kings’ Menilik II isn’t expert of anything nor liberator of anybody or freedom fighter for anyone, but an out of control bigot that charge, prosecute and convict by manufacturing evidence. The machete intellectual is no good for our people, Oromo or otherwise. Turning the basic tenant of democracy –due process of law in its head, he is swinging his machete indiscriminately against our people following the foot step of TPLF.
His latest crude joke was boycotting a beer factory for sponsoring Teddy Afro concert. No one knows whether he is calling on Ethiopians of only ‘Oromo’s’  and  Muslims he claim to belong  or crossing boundaries Woyane erected when it serves his interest. But, whatever it is, his target wasn’t the beer factory or Teddy Afro but Guilt by association of Emperor Menilik II with the ‘Amharas’   –  rendering then guilty until proven innocent as he manufactures more evidence.
Don’t get me wrong, I enjoy Jawar making good points for our people and as much as I am digested with his crude jock when it serve his agenda.  But, when I hear any self-appointed ethnic peddlers play opportunistic politics — cherry-picking what suites them, as he does it makes me sick to my stomach.
For example, from all pressing issues of our people under Woyane ethnic tyranny is boycotting a beer brand the best Jawar can come up with? Where are boycotting Woyane’s factories of corruption; robbing our people blind? How about boycotting ethnic peddlers like him that make up stories to create conflicts among our people? And most importantly, how about advocating the democratic rights of the people he claims to represent to choose their destiny with their people and country?
Such crude joke is what is wrong with our contemporary elites or ‘the functionally illiterate intellectuals’, as Professor Ayatee refer them.  More saddening, what is the young 20 plus years’ old doing—peddling ethnicity and religion of the ‘hippo generation’ than democracy and the rule of law of ‘the cheetah generation’? Don’t beat on snake oil salesmen that promise milk and honey and deliver…
Comedian aside, the people of Ethiopia are not pawns for opportunist politicians of one form or shape masquerading as one thing or another.  Nor, the lives and rights of the people an academic exercise of out of control ethnic peddlers, religious zeolites, ideology pushers or Merchants-of- death. Let’s get it in our head; the rights of the people of Ethiopia can’t be retailed by adventurist. Whatever we do — peddling our political or economic interest, we have to understand, not only the crude comedians of Woyane have to go but, we all have to come to grips with the reality to surrender to the rights and freedom of our people.  No matter what kind of crude jokes the ‘revolutionary democracy’ or ‘developmental state’ that comes out of Woyane ethnic tyranny or all kinds of promises from anyone else nothing short of democracy is acceptable.
Therefore, there is no argument or disagreement on the rights and freedom of our people. Thus, if one claims to be political party, Media, advocacy group, liberator of one form or another there is nothing left worth talking but doing — surrender for the democratic rights of the people and reject everything else. Is it too much to ask or too hard to comprehend?
Coming back to our contemporary crud comedians, it seems their relevancy depends on the constant conflict they create among our people to divert the issue.  I say, when people get drunk by beer they become obnoxious but, by lust for power and money they become deadly. Playing a zero-sum game of ‘us against them’ and ‘guilty until proven innocent’ by trumping on the rights and freedom of our people is crude jock of diversion that must end now.
Our contemporary ethnic elites are losing their mind — drunken by the lust for power and money to think our people are pawns for their crud and deadly jocks.  The only advice I can offer them is; don’t act like headless chickens on the expenses of our people.
The democratic rights of our people can’t and wouldn’t be negotiated by anyone with anybody. There is no us and them, but us and tyranny of all form starting with Woyane.  Woyane and its comedian stooges must surrender. The rest of us must submit to the will of our people. There is nothing more or less to say.
It’s about time every Ethiopian speaks now or never. The silence is leaving our people and country pawns and playground of ethnic and religion peddlers and the Merchant-of-Death.
If we love our people and country as we claim; ‘don’t ask what your people and country should do for you ask what you can do to your people and country’.  In our case, it is only to respect the democratic rights and freedom of our people no matter what the peddlers tell us otherwise.
The line is drawn; Woyane’s stooges are running like headless chicken to sustain ethnic tyranny. Ethiopians are chasing the stooges and demanding surrender to the democratic rule. If I may suggest for all current supporters and stooges of Woyane and the Regime, take the money as it will dry up in the coming years but come clean with your conscience and give up the information you know and have that will shake the regime and uproot it once and for all.  You all know who to feed the stories keep it coming and play your part.  You can hide from your people that are yearning for change but not from your God and your consciences.
Which side you want to be? If and but is not going to do it and my dog ate my homework is not an option.

The Center for the Rights of Ethiopian Women (CREW) – Press release

In appreciation of Ethiopian Sports Federation in North America (ESFNA) for the Support Given to The Center for the Rights of Ethiopian Women (CREW) in 2013
The Center for the Rights of Ethiopian Women (CREW) sends its well wishes for a happy and peaceful new year to all members of our community. We are grateful to individuals and organizations that have supported us in 2013. We would like to extend our special thanks to the Ethiopian Sports Federation in North America (ESFNA ) for the support it gave our organization in 2013. Following are the generous support of ESFNA:
  1. ESFNA donated $1,600 (one thousand six hundred dollars) to support our second annual conference of Ethiopian women in the Diaspora that was held in March 2013. The money went to pay for the two-day conference hall rented at the Marriott hotel in Washington, DC.
  2. We collaborated with ESFNA in celebrating its 30th anniversary in July 2013.  We appreciate ESFNA for making “Celebrating Ethiopian Women” its theme for its 30thanniversary. ESFNA has provided CREW the following during its July festival:
    • Allowed CREW to share a tent with two Ethiopian-based organizations who are working on women’s issues. That opportunity allowed us to network with those organizations..  As a result, we have established a working relation with one of the organizations.
    • CREW was allowed the use of the ball room at the Sheraton hotel, the official hotel for ESFNA for the July festival. One of the activities we had at the ball room was a fund raising event that was held on July 4th to support our work on Ethiopian domestic workers in the Middle Eastern countries. The second activity was a workshop on conflict resolutions that was held on July 6th.
    • ESFNA promised to give us one dollar from each ticket sold at the opening day. Accordingly, ESFNA gave us $4,500 (four thousand five hundred dollars). From this money, we sent $3,175 dollars (60,000 Ethiopian birr) to Integrated Family Services Organization (IFSO) to start a pilot project to resettle four Ethiopian domestic workers who return to Ethiopia from the Middle East countries. IFSO will provide them shelter, counseling and medical services for three months. It will provide them job training and help them obtain jobs. At the end of the three months period, each woman will receive a one-time grant of 4,000 Eth birr to help them resettle.
The remaining $1, 425 (from the $4,500 given to us by ESFNA) is allocated toward financing the upcoming third International conference of Ethiopian women in the Diaspora that will be held on March 8th 2014. The theme of the conference will be  “Migration of Ethiopian women: Contemporary Issues.”
  1. In addition, ESFNA helped in introducing CREW to a larger Ethiopian community. We were given a platform at the Ethiopian Day gathering to introduce CREW and give exposure about our projects on Ethiopian domestic workers in the Middle Eastern countries.
We would like to thank ESFNA and members of our community who have supported us in our work in 2013. We hope your support and collaboration will continue in the New Year. CREW is committed to promoting the rights of Ethiopian women worldwide. Our third annual conference will focus on the migration of Ethiopian women and will highlight the plight of Ethiopian domestic workers in the Middle East as we did in our 2012 and 2013 conferences.
We wish you all a happy and productive New Year.

Friday, 10 January 2014

የፓርቲያችንን ህጋዊ እንቅስቃሴ ለፖለቲካ ፍጆታ ማዋል የገዥውን ፓርቲ የፕሮፓጋንዳ ውድቀት እና ኢ-ህገመንግሥታዊነት የሚያሳይ ነው!!!

ከአንድነት ለዴሞክራሲ እና ለፍትህ ፓርቲ (አንድነት) የተሰጠ መግለጫ!!!
ፓርቲያችን አንድነት የተቋቋመለትን ሕዝባዊ ዓላማ መሰረት በማድረግ በኢትዮጵያ ውስጥ ከ50 ዓመት በላይ ትግል ተደርጎበት እውን መሆን ያልቻለውን ዴሞክራሲያዊ ስርዓት ሳይሸራረፍ ለማስፈን፤ አምባገነኑን ስርዓት በሰላማዊ ትግል ለመለወጥ እንዲሁም የህግ የበላይነት እንዲረጋገጥ ለማድረግ ህግን መሰረት አድርጎ እየሰራ ይገኛል፡፡ በዚህ ዴሞክራሲያዊ ስርዓት የማስፈን ትግልም ፓርቲያችን፣ አመራሩና ቁርጠኛ አባላቱ ከፍተኛ መስዋዕትነት ከፍለዋል፤ እየከፈሉም ይገኛሉ፡፡ ዋጋ በከፈሉና ዋጋ እየከፈሉ ባሉ አመራሮቻችንና አባሎቻችን መራራ ትግል ምስጋና ይሁንና በመላ ኢትዮጵያ ሕዝባዊ መሰረት በመጣል ከኢትዮጵያ ህዝብ ጎን መሆናችንንም አረጋግጠናል፡፡ ይህ የፓርቲያችን ጥንካሬ የራስ ምታት የሆነበት ገዥው ፓርቲ ግን ባገኘው አጋጣሚ ሁሉ ህዝባዊ መሰረታችንን ለመናድ በስም ማጥፋት፣ በፍረጃና ባልዋልንበት እንደዋልን የማስመሰል ስራውን አጠናክሮ በመቀጠል በህዝቡ ዘንድ ያለንን መልካም ስማችንን ለማጉደፍ ባገኘው አጋጣሚ ሁሉ እየሰራ ይገኛል፡፡
አንድነትም የገዥውን ፓርቲ ኢ-ህገ መንግስታዊ የሆነ እኩይ ተግባር ተገቢ እንዳልሆነ፣ ለሀገርና ለህዝብ እንደማይጠቅም፣ የህዝብን ጥያቄ በዶክመንተሪ ጋጋታ መመለስ እንደማይቻል፣ ከፍረጃና ከሴራ ተላቅቆ በሰከነ መንገድ ወደ ውይይት እንዲመጣ በተደጋጋሚ መክረናል፤ ሀገራዊ ጥሪም አቅርበናል፡፡ ነገር ግን አምባገነኑ ስርዓት የሚቆጣጠራቸውን የመንግስት ተቋማት በመጠቀም አሁንም በዶክመንተሪ ስም ከማጥፋት፣ ከመፈረጅና ከማስፈራራት መላቀቅ አልቻለም፡፡
ሰሞኑን በተከታታይ 3 ክፍል ተላልፎ ይቀጥላል በተባለውና የፀረ-ሽብር ግብረ ሃይል ከኢቲቪ ጋር በመሆን አዘጋጅቶታል በተባለው ተከታታይ የዶክመንተሪ ፕሮግራም ላይ መሰረት የተደረገው ፓርቲያችን በመላ ኢትዮጵያ ህዝባዊ ንቅናቄ በመፍጠር እንዲሰረዝ እንቅስቃሴ ያደረገበት የፀረ ሽብር ህጉ ላይ ነው፡፡ አንድነት የፀረ-ሽብር ህጉ ይሰረዝ ሲል አሳማኝ መከራከሪያዎችን በማንሳትና በሰላማዊ መንገድ ቢሆንም ገዥው አካል ግን እንደተለመደው ማስተላለፍ ከፈለጉት አላማ ጋር የፓርቲያችንን ስም በማይገባ ቦታ በማንሳትና ለሚመለከተው አካል በህጉ መሰረት አሳውቀን ባካሄድናቸው ሰላማዊ ሰልፎች እና ህዝባዊ ስብሰባዎች ላይ ያስተላለፍናቸውን  አቋሞች  የሃሰት ትርጉም እየሰጠ የተለመደ የዶክመንተሪ ድራማው ማድመቂያ ሲያደርገን ተስተውሏል፡፡  የፓርቲ አመራሮች በህጋዊ ሰላማዊ ሰልፎች ላይ ያደረጉትን ንግግር ቆርጦ በመጠቀም በህዝብ ዘንድ ያለን ተቀባይነት ላይ ተፅዕኖ ለማሳረፍ የታቀደ መሆኑን እንገነዘባለን፡፡ ከዚህም በተጨማሪ ሁሌም ምርጫ ሲቃረብ እንደሚያደርጉት ሁሉ በ2007 ዓ.ም ለሚካሄደው ሀገራቀፍ ምርጫ የተቃውሞ ጎራውን በፀረ-ሰላምነት ለመፈረጅ እየተደረገ ያለ የኢህአዴግ የምርጫ እንቅስቃሴ ክፍልም ነው፡፡
በዚሁ ዶክመንተሪ ላይ መቀመጫውን በውጭ በማድረግ የተለያዩ ዜናዎችንና ፕሮግራሞችን በማሰራጨት የሚታወቀውን ኢሳት (ESAT) ሬዲዮ እና ቴሌቪዥን ጣቢያ ላይ ፓርቲያችን ለአባላቱ እና ለደጋፊዎቹ መልዕክት ማስተላለፉን እንዲሁም እንደፓርቲ ለማንኛውም ሚዲያ የፓርቲያችንን ሰላማዊ እንቅስቃሴ በተመለከተ ስንጠየቅ የመመለስ መብታችንን በሚጋፋ መልኩ የፓርቲያችንን አቋም አዛብቶ ለማቅረብ ሞክሯል፡፡
ይህም የኢህአዴግን  የፖለቲካ ባህሪ እና አቋም በግልፅ ያሳየ ነው ማለት ይቻላል፡፡ በፓርቲያችን ዕምነት ኢህአዴግ በሚጠላቸው እና በሚያጥላላቸው ሚዲያዎች ሃሳብን መግለፅ በየትኛውም መመዘኛ አሸባሪነት ሊሆን አይችልም፡፡ የኢህአዴግ መንግስት ሲያስነጥሰው ከሚያለቅሱለት የፕሮፓጋንዳው ፍጆታዎች ከሆኑት ሚዲያዎች ውጪ የኔ ያልሆኑ የሌላ ናቸው ብሎ የሚያምን በመሆኑም ፍረጃው ህጋዊ አግባብነትም ሆነ መረጃ የሌለው ባዶ ፍረጃ መሆኑ ከማንም የተሰወረ አይደለም፡፡
ከሁሉም በላይ ህገ መንግስታዊ መሰረት የሌለው ቢሆንም እንኳ ቢያንስ ራሳቸው ላወጡት ህግ  ታምነው ለህዝብ ተወካዮች ምክር ቤት በማቅረብ ሳያስወስኑ አንድን የሚዲያ ተቋም ያውም ለአንድ አላማ የተቋቋመ የፀረ-ሽብር ግብረሃይል ‹‹የአሸባሪ ድርጅት ልሳን ነው›› ወይም ‹‹አሸባሪ ነው›› በማለት ሲፈርጅ ስናይ አሁንም የሀገራችን ፖለቲካ ፓርቲና መንግስት የተደበላለቁበት፣ አንድ ድርጅት እንደፈለገው የሚፈርጅበት ስርዓት እንዳለ የሚጠቁም ነው፡፡
ፓርቲያችንም ይህንን ህገ ወጥ ፍረጃ በቀላሉ የማይመለከተው መሆኑን እየገለፅን ገዥው ፓርቲ ከድርጊቱ እንዲቆጠብ፤ የኢትዮጵያ ቴሌቪዥንም ለተፈፀመብን የስም ማጥፋት ከተጠያቂነት የማያመልጥ መሆኑን እያሳወቅን አሁንም ህገ-መንግስት የሚጥሰውንና ተቀናቃኝ ሃይሎችን ለማሸማቀቅ እያገለገለ ያለው የፀረ-ሽብር አዋጅ እንዲሰረዝ ሰላማዊ ህዝባዊ ትግላችንን በማጠናከር እንደምንቀጥል እንገልፃለን፡፡ የህዝብ ልዕልና እና የህግ የበላይነት እንዲከበር ትግሉ የሚጠይቀንን መስዋዕትነት እንደምንከፍል ለመላው የኢትዮጵየ ህዝብ በድጋሚ እናረጋግጣለን፡፡
                               አንድነት ለዴሞክራሲና ለፍትህ ፓርቲ
                 ታህሳስ 29 ቀን 2006 ዓ.ም
   አዲስ አባባ
UDJ

ሰበር ዜና) እነ ሌንጮ ለታ ኢትዮጵያ ሊገቡ ነው

ሐበሻ) “ከእንግዲህ የቀድሞው መንገድ አይሰራም” በሚል የኦሮሞ ዴሞክራሲያዊ ግንባርን የመሰረቱት የቀድሞ የኦነግ አመራሮች እነኦቦ ሌንጮ ለታ ኢትዮጵያ ሊገቡ መሆኑ ተሰማ፡፡
የዘ-ሐበሻ የሚኒያፖሊስ ምንጮች እንዳስታወቁት ከዚህ ቀደም ኦሮሚያ ክልልን ለማስገንጠል ይንቀሳቀሱ ከነበሩ ሃይሎች ጋር የነበሩት እነ ኦቦ ሌንጮ ለታ የኦሮሞ ዲሞክራሲያዊ ግንባርን በሚኒሶታ ከመሰረቱ በኋላ በሃገር ቤት ገብተው ለመታገል መወሰናቸውን አስታውቀዋል።
ከጥቂት አመታት ወዲህ ፕሮፌሰር ኤፍሬም ኢስሃቅ እነ ሌንጮ ለታን ለማስማማት ወደሚኒያፖሊስ ከ2008 ጀምሮ በተደጋጋሚ ሲመላለሱ እንደነበር የዘ-ሐበሻ ምንጮች በፎቶ ግራፍ ጭምር የተደገፈ መረጃ ያቀረቡ ሲሆን “ከ እንግዲህ የቀድሞው መንገድ አይሰራም” የሚል አቋም የያዘው ይኸው የሌንጮ ለታ ግሩፕ የፕሮፌሰር ኤፍሬም ይስሃቅን ምልጃ ተቀብሎ ወደ ኢትዮጵያ በመግባት በቀጣዩ ምርጫ ለመወዳደር እንደሚዘጋጅ የዘ-ሐበሻ ምንጮች ገልጸዋል።
የሌንጮ ለታ የኦሮሞ ዴሞክራሲያዊ ግንባር ወደ ኢትዮጵያ በቅርብ ቀን እንደሚገባ ያስታወቁት እነዚሁ ምንጮች፤ በተለይ በአሁኑ ወቅት በርካታ የኦሮሞ ምሁራን፣ የሰብ አዊ መብት ተከራካሪዎች የመብት ጥያቄ አንስተው በአሸባሪነት በታሰሩበት ወቅት በዴሞክራሲያዊ መንገድ ኢሕ አዴግን እንታገላለን ብለው መወሰናቸው በሚኒሶታ የሚገኙ በርካታ ኦሮሞ ኢትዮጵያውያንን እያነጋገረ እንደሚገኝ በተደጋጋሚ መዘገቡ ይታወሳል።

አዲስ ዓመት ለጋራ ራዕይ – በአበራ ሽፈራው /ጀርመን/

በአበራ ሽፈራው /ጀርመን/
በፈረንጆቹ ወይም እንደ ጎርጎርያን አቆጣጠር 2013 ዓ.ም  በኢትዮጵያና በኢትዮጵያውያን ላይ በአገር ውስጥም ሆነ በውጭው አለም ታላላቅ አሳዛኝና አስቸጋሪ ሁኔታዎች ግጥመውን አልፏል፡: አንዳንዴም ይህ ዓመት ባልነበረ የሚያስብል ነበር :: እንኳን አለፈ ::
ኢትዮጵያውያን በአገር ውስጥ ብዙዎች ለእስር የተዳረጉበት፣ ፍርደገምድል ፍርዶች በፍርድ ቤቶች የታዩበት፣ የፖለቲካ እስረኞች በከፍተኛ ሁኔታ የተበራከቱበት፣ እስር ቤቶች በፖለቲካ አቋማቸውና አስተሳሰባቸው ብቻ በህወሓት ሰዎች አይን ውስጥ በገቡ የተሞሉበት ፣ የነጻው ፕሬስ ከመቼውም ጊዜ በላይ በህወሓቶች ጥቃት የደረሰበት ፣ የአማራ ተወላጆች በዘረኞችና ግልጽ በወጣ የዘር ጥቃት በሚፈጽሙ በህወሃቶች ባለሟሎች እቅድ ማፈናቀል የተደረገበት በዚህም ምክንያት ብዙዎች ለመከራና ለችግር የተዳረጉበት፣ አጥፊው የህወሓት ማኔፌስቶም አሁንም ትግበራውን ይቀጥላል ማኔፌስቶው ሳይሆን ምስጊን የቤንሻንጉልና ጉምዝ ሰዎች በትግበራ ዙሪያ እንደደቡቡ በተጠና መልኩ ማፈናቀሉን ባለማድረጋቸውና ህወሓቶችን በአደባባይ ያጋለጠ ድርጊት በመሆኑ ለቅጣት ተዳረጉ፣ አዛዡ አሳሪ ታዛዡ ታሳሪ ሆነና ድራማው ተጠናቀቀ በዚሁ ክፉ ዓመት : : በተለይም የሙስሊም ወንድሞቻችንና እህቶቻችን የሃይማኖት ነጻነት ትግልን በሃይል ለመጨፍለቅ ታስቦ ብዙዎች በአደባባይ የተገደሉበት፣ የታሰሩበትና እጅግ አስከፊ ግፍ የተፈጸመበት ዓመት ነበር በአገራችን ኢትዮጵያ::
ይኸው 2013 የህወሓት ዘረኛ ቡድን የአገሪቷን ወታደራዊ ኃይል ለመቀራመት በድርጊቱ ጠንሳሽና መሃንዲስ በነበረው መለስ ዜናዊ እቅድና ራዕይ መሰረት ሁሉንም ወታደራዊ ሃይል በህወሓቶች ለማስያዝና የአፈናውን ሥርዓት ለማጠናከር ሲባል በየትኛውም የአገሪቷ ዘመናት ባልታየ መልኩ ከፍተኛ የጀነራልነት ማዕረጎችና ሌሎች ወታደራዊ ሥልጣኖችን 99% በሚባል መልኩ የህወሓትን የበላይነት ለማረጋገጥና ስርዓት የለቀቀውን አገርን የመምራት አቅም ማጣት ለማስጠበቅ ሲባል ምንም ወታደራዊ አቅምና ትምህርት ለሌላቸው ሰዎች ብዛት ያለው የጀነራልነት ማዕረጎችን በመስጠት በአለምና በአገሪቷ  ታሪክ ታይቶ የማይታወቅ የሹመት ድግስ የተደገሰበት ዓመት በመሆን ተመዝግቧል ::
በዚሁ በ2013 የሰላማዊ ትግል አራማጅ ፓርቲዎች በአገር ውስጥ በተለይም የአንድነት ፓርቲ፣ የሰማያዊ ፓርቲና የመድረክ አመራሮችና አባሎቻቸው ለከፍተኛ ጥቃት የተጋለጡበት፣ በየምክንያቱ አባሎቻቸው ለእስር፣ ለድብደባና ለእስራት የተዳረጉበት ጊዜ በመሆን የሥርዓቱ አስቸጋሪነትን የተመለከትንበት ዓመት በመሆን አልፏል :: የተቃዋሚው ሃይል ከገዢው የማፍያ ቡድንም ጋር  ግልጽ የሆነ ትንቅንቅ ውስጥ የገባበትና የህወሓት ገዢ ቡድንም በከፍተኛ ትዝብት ላይ የወደቀበት ጊዜ በመሆን የተሰናበተን ዓመት ሲሆን በተቃዋሚው ላይ የደረሰው መከራ ግን ከመቼውም ጊዜ በላይ የሆነበት  ዓመት ለመሆን በቅቷል ::
አገራችንና ህዝቦቿ በእነዚህ ሙሰኞችና በዝባዦች እጅ ከወደቀችበት ጊዜ ጀምሮ ፍጹም ባልታየ መልኩ ጥቂቶች እየበሉና እየጠጡ የሚኖሩባት ሌሎች ወይም አብዛኛው ኢትዮጵያዊ ለፍጹም የኑሮ ውድነት የተጋለጠበት ዓመት ከመሆኑም በላይ በኑሮው ውድነት ምክንያትም ህዝቡ ለከፍተኛ የኑሮ ምስቅልቅሎሽ ተዳርጎና ለከፍተኛ ስደትም በመዳረግ በልዩ ልዩ ቦታዎች የሚደርስበት የስደት መከራና ሞት ቀላል አልነበረምና አብዛኛው ህዝቡ ችግሩን ተጋፍጦ መፍትሄ የሚያመጣለት አጥቶ አምላክን በመማጸን ያሳለፈበት አመት በመሆን አልፏል :: ይሁንና ህወሓቶችና ባለሟሎቻቸው ግን በየምክንያቱ ጮማ እየቆረጡና ውስኪ እየተራጩ ዓመቱን ሲያሳልፉ መክረማቸውንና በተለያዩ አገራት ያሸሿቸው የገንዘብም መጠን ቀላል እንዳልሆነና ከሟቹ መሪያቸው ጀምሮ እስከ ትልልቅ ሹማምንቶቻቸው ድረስ የአገሪቷን ገንዘብ ለመበዝበዛቸው የውጭ ሚዲያዎችና እራሱ ኢቲቪ ሳይቀር ተገዶ “ሙሰኞች ነን” ለማለት የሞከሩበት አመት ሆኖ ተመዝግቧል :: ይሁንና ከዚሁ ከሙስና ጋር ተያይዞ ሙሰኛ ጋኖችን ሳይሆን ሙሰኛ ገንቦዎችን በመስበር ሲቀልዱ የታዩበት ዓመት ነበር :: ከዚህም የተረዳነው የጠገቡ ሙሰኞች ያልጠገቡ ሙሰኞችን ሲያጠቁ ተመለከትን ::
በዚሁ ባሳለፍነው የፈረንጆች ዓመት ህወሓት በታሪክ አጋጣሚ ከሱዳን ጋር ባለው የጥፋት ቁርኝት አገርን ለባእዳን አሳልፎ በመስጠት የሚታወቀው ሥርዓት ከኢትዮጵያ ድንበር ሰፊውን ግዛትና ለም የሆነውን የአገሪቷን መሬት ለሱዳን ለመስጠት ውሎችን ለመፈራረምና ለዘመናት ደም እየተከፈለበት የኖረን የአገሪቷን መሬት አሳልፎ ለመስጠት የተዘጋጀበትና ህወሓት ምን አልባትም ኢትዮጵያዊ ነኝ ብሎ የሚያስብ ቡድን እንኳን ሆኖ ቢገኝ በአገሪቷ ታሪክ በክህደት የሚጠየቅበትን ሁኔታ ያስመዘገበበት አመት ሆኖ ከመመዝገቡም በላይ ኢትዮጵያ ከመቼውም ጊዜ በላይ ከአሰብና ከሌሎች በህወሓት ምክንያት ደም ካፋሰሱ የኢትዮጵያ ድንበሮች በተጨማሪ አሁን ደግሞ በዚህ ዘመን ታይቶ በማይታወቅ ሁኔታ አገርን ለመሸጥ ሲደራደሩ የከረሙበት ዓመት በመሆን ተመዝግቧል ::
የብዙዎች የኢትዮጵያ ሱማሌዎችና የአፋር ህዝቦች ደምም በህወሓት ወታደሮች የፈሰሰበትና ህወሓቶች በሌሎች ዓለም ታይቶ በማይታወቅ ሁኔታ ግፍ የፈጸሙበትን ማስረጃ የቀረበበት፣ የሰብዓዊ መብት ጥሰት መፈጸማቸውንና ማስፈጸማቸውን የሚያሳዩ ማስረጃዎች የተገኙበትና ያንንም ለማጠናከር ትልቅ ግልጽ ዘመቻ የተከፈተበት ዓመት በመሆን በአውሮፓዊቷ አገር በሲውዲን አገር እንቅስቃሴ የተጀመረበት ዓመት በመሆንና ከዚሁ ጋር ተያያዥ የሆኑ ጉዳዮችን ለማጠናከር እንቅስቃሴ የተጀመረበት ዓመት በመሆንም ይታወሳል 2013 ::
“አልጠግብ ባይ ሲተፋ ያድራል ” እንዲሉ ዘረኛውና አንባገነኑ የህወሓት መሪ ለ21 ዓመታት ለብቻው ይዞት የነበረው የጭቆና ቀንበር ለዘለዓለም ወደዚች ምድር ላይመለስ በሞት በመሰናበቱ ምክንያት አገሪቷን ለከፍተኛ ችግርና አዳጋች ሁኔታ አጋልጧት እንደሄደና ህወሓትንም እርቃኑን አስቀርቶት ባዶ ቡድን መስርቶ የነበረ ለመሆኑ ማስረጃ መሆኑ እስኪታይ ድረስ ተተኪን ለመፍጠር እንኳን እንዳይቻል እያስፈራራ የፈጠረውና የገነባው ሥርዓት ለመሆኑ በግልጽ እስከሚታይ ድረስ በህወሃቶች መካከል ብቻ ሳይሆን በተለጣፊዎቹ የህወሃት ኢህአዴግ ፓርቲዎች ጭምር የዕርስ በርስ ትርምስ የተፈጠረበትና አገሪቷን የሚመሩ ግማሽ ደርዘን ሊጠጋ ትንሽ ቁጥር የቀረው የምክትል ጠቅላይ ሚኒስትሮችን በመያዝ የተመዘገበችም አገር በመሆንና ኢትዮጵያውያንን በማስገረም ያለፈ ዓመት ሆኖ አልፏል ይኸው 2013 ጉደኛ ዓመት ::
ይኸው 2013 በአባይ ግድብ ሰበብ ከመላው ኢትዮጵያና ከመላው ዓለም ከሚገኙ ኢትዮጵያውያን ኪስ የህወሓት ቀማኞች ገንዘብ የሰበሰቡበት፣ በግዳጅ የነጠቁበትና ገንዘባቸውን ለቀማኛ ቡድን ለመስጠት ያልፈለጉ በውጭው አለም የሚኖሩ ኢትዮጵያውያን ደግሞ የአባይን ግድብ እንዲገደብ ቢደግፉም በብዝበዛ፣ በሙስናና በመስረቅና የሃገርን ሃብት በውጭው ዓለም በሚገኙ ባንኮች በማስቀመጥ የሚታወቁትን የህወሓት የማፍያ ቡድንን ከአባይ በፊት ሰብዓዊ መብት እንዲያከብሩ በመጠየቅ፣ መለስና ሌሎች የህወሓት ሰዎች በውጭ ያከማቿቸው ገንዘቦች አንድ አባይን አይደለም ብዙ አባይን ይገነባሉና አውጡና በአገራችሁ አውሉት እያሉና ሌሎች ተመሳሳይነት ያላቸውን ሃሳቦች በማንሳትና በመቃወም በመላው ዓለም ህወሓት የቀለለበት ዓመት ነበር 2013 በእርግጥም ሕወሓት ቀድሞውንም ቢሆን በኢትዮጵያ ህዝብ ፊት የቀለለ ለመሆኑ እራሱ ህወሓትም ያውቀዋል ::
በዚሁ በ2013 በአገራችን በተለይም በጋምቤላ ክልል ሰፊ የመሬት መቀራመት የተፈጸመበትና ከፍተኛ ተቃውሞም በዚሁ ዙሪያ የተደረገበት ዓመት ከመሆኑም በላይ የጋምቤላ ነዋሪ ወገኖቻችንም በተወለዱበት፣ በአደጉበትና ተፈጥሮና ትውልድ ያስረከባቸውን መሬት በህወሓት ቀማኞች በአደባባይ በሃይል የተነጠቁበት ዓመት ነበር :: በሌሎች ክልሎች የገጠር ቦታዎች ብቻ ሳይሆን በከተማ ቦታዎችም ዙሪያ ግልጽ ቅሚያ የተፈጸመበትና ህወሓትን ተው የሚለው ጠፍቶ ያሻውን ያደረገበት ዓመት ነበር ::
የህወሓት አንዱ የመበዝበዣ ተቋም የሆነው የመከላከያ ሚንስቴር መስሪያ ቤትና ተያያዥ መምሪያዎችና የወታደራዊ መዋቅሮች በአገሪቷ ታይቶ በማይታወቅ ሁኔታ በአንድ ዘር ስር መውደቁ የታወቀ ቢሆንም የአገሪቷ ሃብት በዚሁ ተቋም በነዚሁ በህወሓት ጀነራሎችና ከፍተኛ መኮንኖች እንደሚበዘበዝ ግልጽ እየሆነ ባለበትና ወቅትና ይህንንም ችግር ለማስቆም የተለያዩ አካላት ጥያቄ ማንሳት በጀመሩበት ወቅት ማንም ምንም አያመጣም ያሉ እስኪመስል ድረስ መከላከያ ኦዲት አይደረግም የሚል ሃሳብ መነሳቱና ጉዳዩ የህግ ከለላ እንዲያገኝ ለማድረግ ጥረት ማድረጋቸው የታየበትና ጉዳዩ በግልጽ እንደሚያሳየው ብዝበዛው በህግ እንዲደገፍ አዋጅ ያስነገሩበት ዓመትም ነበር በእርግጥም አይን ያወጣ ዝርፊያ ለመቀጠል ከፍተኛ መሰረት የተጣለበት ነበር ይህ ክፉ ዓመት:: አይ 2013 ጉደኛ ዓመት ::
የህዝቡን የፍትህና የነጻነትን ጥማት ይልቁንም ለመቀልበስና የህወሓትን ብዝበዛና ጭቆናን ለመቀጠል በታሰበ መልኩ “1 ለ 5″ የሚልን የአፈና መዋቅር ለመተግበር ከፍተኛ ርብርብ የተደረገበትም ዓመትም ነበር::
በሌላ በኩል  በዚሁ አስከፊ ሥርዓት ምክንያት በዓረቡ ዓለም ተበትነው የሚኖሩና በተለይም በሳውዲ አረቢያ በልዩ ልዩ መንገድ ወጥተው ተቀጥረው የሚኖሩ ኢትዮጵያውያን ላይ በደረሰው ችግርና ሰቆቃ ምክንያት ብዙው ኢትዮጵያዊ በዓለም ህዝብ ፊት በዕንባ የተራጨበትና አምላክንም የተማጸነበት ዓመት ሆኖ ነበር :: በዚህ ምክንያት ብዙ ኢትዮጵያውያን ውስጣቸው ያዘነበት ዓመት ነበር::

ይህም ሆኖ ግን የኢትዮጵያ ህዝብ ከመቼውም ጊዜ በላይ ህወሓትን ለመጋፈጥና በግልጽ መስዋዕትነት ለመክፈል የቆረጠበት፣ የሠላማዊ ትግል አራማጆችም ትግሉን በተለያዩ አቅጣጫዎች ያደረጉበትና የህወሓትን ማንነት በማሳወቅ ዕርቃኑን እንዲቀር ያደረጉበት ፣ የትጥቅ ትግል አራማጆችም ትግሉን በተለያየ አቅጣጫ በማድረግ ህወሓት ድንጋጤ ውስጥ እንዲገባና የሚይዘውና የሚጨብጠው እንዲያጣ በማድረግ ያደረጉት ትግልም ቀላል አልነበረም:: በዚህ ዙሪያ አርበኞች ግንባር፣ የኦሮሞ ነጻነት ግንባር፣ የኦጋዴን ነጻነት ግንባርና ሌሎችም ያደረጉት የትጥቅ ትግልና ድል ቀላል አልነበረም:: ከዚህ በተጨማሪ የግንቦት 7 ህዝባዊ ሃይልም ትግሉን ወደፊት ለመውሰድ የጣለው መሰረት በህወሓት መንደር ትልቅ ድንጋጤን ከመፍጠሩም በላይ በህወሓት ላይ ከፈጠረው ጫና የተነሳ ህወሓት ሳይወድ በግዱ የንደራደር ጥያቄንም እንዲያቀርብ ያስገደደው ሁኔታ ገጥሞታል ::

እነዚህ ከላይ ያየናቸው ሁኔታዎችና ሌሎች አሁን ያልጠቀስናቸው ሰፊ የአገራችን ችግሮች በዚሁ በ2013 በመፈጠራቸው ዓመቱ እጅግ አሳዛኝና መራራ አመት ነበር ለማለት ያስችላል :: ለዚህ ሁሉ ችግር ትልቁ ተጠያቂም ህወሓት እራሱ ለመሆኑ ምንም ጥርጥር የለኝም  :: 2014 አዲሱ ዓመት ግን ለዓመታት በኢትዮጵያና በኢትዮጵያዊነት ላይ ከሁሉም በላይ ደግሞ በሰብዓዊ ፍጥረት ላይ ይህ ዘረኛ ቡድን የሚፈጽመውን ግፍ ለማስቆም በጋራ የምንቆምበትና በአገራችን ሁላችንንም በእኩልነት፣ በፍትህ፣ በነጻነት፣ በህግ የበላይነት ሥር ሁላችንም በህግ ፊት እኩል ሆነን የምንኖርባትን አገር ለመመስረትና ለዚህም የህዝብና የአገር ራዕይ ሁሉም ኢትዮጵያዊ ለራሱ ሲል አቅሙ በቻለ ሁሉ ትግሉን እንዲቀላቀልና ህወሓትን በመደምሰስ በጋራ ሁላችንንም የምትወድ አገር  ልንመሰርትበት የምንችልበትን መሠረት የምንጥልበት ዓመት ሊሆን  ይገባናል  እላለሁ :: ቸር ይግጠመን ::
comment pic
እግዚአብሔር ኢትዮጵያን  ይባርክ !